سر ياقلم ___ اهداء ؟؟؟؟؟؟؟

سر ياقلم مالي على الصبر طاقه
صبري تعـدى الحـد ماعـاد ينطـاق
اكتب لمثلي قصته واشتياقـه
في خطك الواضح على بيض الاوراق
قصة حزين صافي المر ذاقــــه
اليا ذكر ماصار له خاطره ضاق
باقو به الاصحاب والوقت باقــه
واصبح ضحيه مابين بايق وبواق
يمشي وهو ماحس في كسر ساقه
امسي على ساقين واصبح على ساق
وهذي سوات الوقت شين اصطفاقه
الـوقت لـو يصـفيلك ايــام دراق
ان شان قطع معك كل العلاقــــــه
وان زان خلالك مع الناس عشاق
ومن شان معه الوقت قلو رفاقــــه
وراحت حياته كلها هم واقلاق
والله خلق خلق تحب اللباقــــــه
كما خلق له خلق ماعندها اخلاق
احدن يعيش بخير واحد بنفاقـــه
واحدن يعيق ايام وايام ينعاق
واحدن معه حكمه وصبر ورواقه
سبحان منهو للمخاليق خلاق
لاكن يامن معك عقل ولباقـــــه
ابنصحك كانك للامثال تشتاق
لاتنخدع باهل العلوم الرقاقـــه
اللي سوالفهم توهق توهاق
صادق رجال يعرفون الصداقه
يقفون صفك يوم يبسات الارياق
ومن رغب في فرقاك ارغب فراقه
جاز اللذي يجزيك بفراق..بفراق
وتعلم التعشيق قبل السواقــــه
لا تحسب انك بالدرقسون سواق
ورزقك يجيك بدون تحضر بطاقه
عند الله المعبود تقسيم الارزاق
يقوله اللي جاير الوقت عاقــــه
ولازال في غيبوبة الهم مافاق







مما قرأت وتصفحت واعجبني كثيرا

اشكرك من اعماق قلبي على كل ما تقوم بة لانجاح هذا المنتدى
كل الشكر..........

اشكرك يافارس الاجواد من كل قلبي على هذه القصيده واسم على مسمى فارس الاجواد فارس الشعر

فاااارس

مساءك شهد وسعادة

مع كل نص جديد تشرق شمس

البهاء لتعلن الحروف عن موعد احتفالها

هنا تتراقص الحروف طرب حين تكتبها

أنيق أنت بكل حالاتك

للإبداع عرش أنت أميره

سلم قلبك ونبض إحساسك

دمت بخير

لقلبك الجوري

سلمت وسلم احساسك
يعطيك الف عافية
بنتظار جديدك

يعطيكم العافيه