|
|
|||||||
| القصص والروايات - قصص واقعيه - قصص رومنسية - روايات طويله لكتابة القصة القصيرة والروايات والحديث عنها ونقاشها - قصص واقعيه - قصص رومنسية - روايات طويله |
 |
|
|
أدوات الموضوع | انواع عرض الموضوع |
02-11-2010, 03:09 PM
|
#1 |
|
شخصية هامة
تاريخ التسجيل: Jan 2009
الدولة: الرياض
المشاركات: 10,791
معدل تقييم المستوى: 107   |
الشايب و الوايت / لااا تفوتكم
الشايب والوايت يسولفون عن شايب نوى يشتري له وايت علشان يسقي الحلال ، وذالشايب متقاعد وشاريله رعية غنم وفوقها خمسين ناقه ، فأخذ يجمع له دراهم لين صار عنده حول الثمانين خمسة وثمانين ألف ريال ، فقام وتوكل على الله وعَزْم يروح يدور له على وايت . صدفه وهو يمشي إلا ذيك الناس مجتمعةٍ في أرض فضاء كبيرة ولا حولهم وايت واقف ، عجب خوينا الشايب نظرة هالوايت وهو ما شاء الله يبرق من بعيد ووقفته شيء عجيب ، قال بس لقيناه خلني أروح أوصلهم وأشوف كم هو واصلٍ سومه وإذا هم حادينه أشوف كم هو عليه . وصل عندهم الشايب ووقف يسمعهم يحرجون ، وأستانس بالحيل لأنه ما هو بغالي ، ولا ذاك الرجال ماسك المكرفون ويحرج 50 ،، 52 ،، 55 ،، ومن قال زود ، قال الشايب بس شكلهم يحرجون على هالوايت ولا هوب بغالي وإن شاء الله يكون من نصيبي . ويخش معهم بالحراج ... 56 ... ويزودون ... ويزود ... ويزودون ... ويزود المهم وصلوه 75 ... قام خربها وقالهم 80 ... هو قالهم ثمانين ... يوم طخوا كلهم وسكتوا .. ! ..وهجدوا .. !! .. والتفتوا عليه .. !!! يناظرونه .. يناظرون بعضهم .. يوم تغامزوا ونقز له واحد منهم .. ويسحبه على جنب وقاله شف يا رجال أنت باين عليك أبن حلال وطيب بالحيل ، وش رأيك لو نعطيك شيك بمليون ريال ذالحين ذالحزه بس أمش من هنا ولا نشوف وجهك واقف معانا بالحراج . أنصدم الشايب .. أفتر راسه له شوي وقال هااااا .. وش السالفة .. ؟؟!! مليون ريال .. وليه..؟؟ قال له الرجال خويهم بس خذ هالشيك وتوكل على الله والله يستر عليك ولا لك بالطبخه وش أسمك ..؟؟ عطاه أسمه وكتب له الشيك بمليون ريال وصرّف الرجال من الحراج هو ما يدري وش السالفة .. !! طيب وش العلم علمني .. ؟؟ علمه بالعلم أثر ذالجماعة يحرجون على المخطط وواقفين بالصدفة جمب الوايت اللي جايبيه يرشون به الأرض علشان يحرجون ، والحراج من اليوم بـ 56 مليون و75 مليون .. وأبو الشباب (الشايب) خش عليهم عرض ولا يدري وش العلم . وهم بعد أخترشوا شوي يحسبونه هامور وبيلطش عليهم المخطط .. قاموا صرفوه بمليون ريال .. وهو ما صدق طاير من الفرحة مليون ، ويقول بخاطره (عجزت وأنا أجمع ثمانين خمسة وثمانين ويجيني ذالرزق من الله) فسبحان الله مقسم الأرزاق على عباده . الرزق مثل الأجل يتبعك الله يرزقنا بمخططن بالغلط ماحولكم وايت للبيع ههههههه ..
__________________
سَترحلونْ وَ سيبقى مَآ تخطّھ أيديگم !! وَ مَآ تضعونھ من صّور وَ مقآطع ، فَتخيروآ مَآ يقربگم إلىَ ربگمْ وَ مآ يجري عليگم الحسنآاتْ |
|
|
|
02-11-2010, 06:21 PM
|
#2 |
|
شخصية هامة
تاريخ التسجيل: Feb 2008
الدولة: ஜبَيْـ‘ـنَ ذِكْرَى الأَمْسِ و غُمُوضِ الْغَدْ !
المشاركات: 15,500
معدل تقييم المستوى: 139 |
ههههههههههههههههههه
يا الله بوايت يا رب يا كريم خلاص انت دور من قداك وانا با دور من قداي والشيك بالنص هههههههههههههههههه يعطيك الف عافية ابو محمد ودي وتقديري الجريح
__________________
حين ابتعدت ..... لم يكن إلا ليعلم الجميع بإني أجيد الترحال في حضرة العقـول المتحجرة
|
|
|
|
|
02-11-2010, 08:24 PM
|
#3 | |
|
شخصية هامة
تاريخ التسجيل: Jan 2009
الدولة: الرياض
المشاركات: 10,791
معدل تقييم المستوى: 107 |
اقتباس:
الله يسعد بكل خير وابشر بها زينه ساعه من الغني واغنت نسأل الله لنا ولك خير
__________________
سَترحلونْ وَ سيبقى مَآ تخطّھ أيديگم !! وَ مَآ تضعونھ من صّور وَ مقآطع ، فَتخيروآ مَآ يقربگم إلىَ ربگمْ وَ مآ يجري عليگم الحسنآاتْ |
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اللي مايحل الواجب في الهند | بسمة أمل | منتدى عالم الصور | 14 | 08-28-2009 05:26 AM |
| الصاحب الي حط فالقلب | العبدلي خورة | قسم الشعر وهمس القوافي (يمنع المنقول ) | 22 | 05-23-2009 11:31 PM |
| الشايب مع مدير البنك لاتفوتكم !!!!!!!! | الحسياني | الوناسة وسعة الصدر | 11 | 03-25-2009 03:20 PM |
| والله لاعبهآ صح الشايب !! خخخخخ | الواصل | الوناسة وسعة الصدر | 8 | 08-05-2008 11:03 PM |
العرض العادي
