:: ومضات سياسية ::

:: ومضات سياسية ::

مسكينة كهرمانة ظلت وحدها... ياترى لماذا!!؟

مسكينة كهرمانتنا الجميلة ظلت وحدها في وسط الساحة!!!..
هنالك ناس غشمة وعلى نياتهم يتسائلون:
وينهم الحرامية...؟؟..

كونوا شجعان وأعلنوها.. والله كلكم تريدوها!!!!!

كل السياسيين( من غير أستثناء)

يرغبون بتقسيم العراق... ولكن.......

من انهجم بيت الباميا .. شكد تنفخ !!

الأخوة الأعداء كانوا قد أقنعوا ألأمريكان بمايلي:
بس تدخل قواتكم العراق راح تشوفون كبار وصغار ..

نساء ورجال.. شباب و كبار السن كلهم يخرجون للشوارع
حاملين باقات الورود والحلوى ويطشوها
على قواتكم الغازية .. والنسوان تزغررررد!!!.

سألت صديق عن رأيه بهذا الكلام
و بقوات الأحتلال والسادة التجار
اللي باعوا العراق للمخابرات العالمية..

قال:

من أنهجم بيت الباميا....

وبخصوص قوات الأحتلال قال:

أتحداهم إذا ذكروا الرقم الحقيقي لقتلاهم ..
وأني أگول:

بالله العظيم.. جواب كافي وشافي...

بعض الاحيان
الحمار اعقل من بعض السياسيين !!

نعم
بعض الأحيان(الحمار) اجلكم الله
أفهم من بعض سياسي هالأيام..
والصورة أعلاه ماتحتاج الى شرح...
هسه عرفتوا قصدي؟؟؟؟..
خوش ... لعد مبروك علينا هالنشامى!!!

حتى مظاهراتنا مو مثل مظاهرات خلق الله !!

شخصيا ما عندي تعليق غير:
ياترى العراقيين كلهم بخير وماينقصهم غير الكهرباء؟؟؟
صحيح الكهرباء ضروري..
ولكن أغسلوا أيديكم يا نااااس .. أنسوا الكهرباء ...

أنتقدوا حكومة وبرلمان المنطقة الخضراء..

أنتقدوا الحرامية وأولاد الحرام
اللي يقودون العراق من سىء الى أسؤ..

ومايشبعون مهما سرقوا..

والدي مو حرامي..مايأخذ غير الراتب وبس!!!

هنالك ظن( وإن بعض الظن أثم)..
تتوقعون كلمن أشتغل بالمنطقة الخضراء حرامي ومايخاف الله!!!؟؟؟..
أنتم غلطانين مية بالمية!!!!.. نأخذ مثلا:
بابا مالتي اسمه لغاف مسئول كبير بالمنطقة الخضراء
وماعندنا غير راتبه..
مع ذلك عايشين مثل الملوك وألأمراء...
أني أگولكم..
العراقيين كلهم عندهم رواتب
بس مو مثل والدي يدبرون حالهم

ويدبرون العيشة بعقل وحساب دقيق!!!.

لغاف:

صحيح وليدي.. شخصيا خدمت الدولة أربعين سنة
وراتبي التقاعدي مايكفي كيلوين لحم وشوية فواكه وخضراوات...

علمني شلون أدبر حالي؟؟؟؟.

أبختي بس أبوك يفتهم والعراقيين.. لااااااااااااااااااء..
الف عافية وليدي..
النة الله ..أتغطى بالدولارات لاتروح تستبرد
وتصاب بالنشلة
وبعدين يودوك الى أوربا للعلاج!!!.

ياشعوب..؟؟ يا بطيخ.. حتى والدي ما أعترف بيه!!!!

البوش الصغير غير مؤدب.. كان.. ولايزال..

ماذا يريد حجة الأسلام والمسلمين من هذه الفتاة؟

نظرات / حجة الإسلام والمسلمون ـ هاشمي رفسنجاني
ـ مايرادله روحة للقاضي..
الگاع محذورة وإلا نظراته أدگول:
با من بیا یک شب!!..أي تعاليلي (.... ) واحدة فقط!!!.

بالتأكيد..لعد قابل (سماحته) رئيس لجنة قبول مضيفات الطيران؟؟

ومضات سياسية هادفة ونتمنى لعراقنا الحبيب العودة والتحررمن كل الافات الفاتكة بة
يعطيك العافية حنين الايام

المشاركة الأصلية كتبت بواسطة المهلهل

ومضات سياسية هادفة ونتمنى لعراقنا الحبيب العودة والتحررمن كل الافات الفاتكة بة
يعطيك العافية حنين الايام

مرحبا باخي العزيز وقديرنا " المهلهل "
دائما لوجودك طعم الرقة والوفاء
الف شكر على حضورك المميز
تحياتي وودي

طرح مميز
كل الشكر.......

المشاركة الأصلية كتبت بواسطة فريد العولقي

طرح مميز
كل الشكر.......

الف شكر اخي العزيز الاستاذ فريد
على تواجدك الدائم المشجع
تحياتي وودي