ماذا قال الشيخ عبد المحسن الاحمد تابعو القصه

ماذا قال الشيخ عبد المحسن الاحمد تابعو القصه ...........

أحبتي اليوم نشتكي فقراء وضعفاء نشتكي لبعض وكل واحد قاعد يفضفض للثاني

وماخلصت مشاكلنا ولارضينا اللي تشكي له عنده هم أكثر منك ...

لكن تعال شوف لما نتكلم مع بعض تلقى الواحد لو أوريك المقطع آثنين يتشكون لبعض

وأعطيك بدون صوت أقسم بالله تقول الان بيطلع قلبه

وهو قاعد يعبر عن اللي عنده ولان سجد بين يدي ملك الملوك الغني جل جلاله اللي إذا قضى

آمرا يقول له كن فيكون تلقاه يدعي كأنه يدعي واحد فقير

أقسم بالله ماقدرنا الله حق قدره ، عندنا مشكله مع السجود إذا كان عندك مشكله في اطاله

السجود ،إذا ماتجيد الشكوى لله وتجيد الشكوى للبشر

وتفتقر لرب العالمين، أقسم بالله لن تزداد مشاكلك إلا سوء

أحبتي ليش إذا أشتكينا للناس تقول الواحد يطلع قلبه وهو يتكلم ولاشفت الواحد ساجد يرفع

بسرعه وحتى وهو ساجد بين يدي الله قله الادب مع الله

يفكر بالناس وين بيروح بعدها ومين بيكلم ومن بيشتكي له

والله جل جلاله يقول (ياأيها الناس أنتم الفقراء إلى الله) ويقول (يَا أَيُّهَا الَّذِينَ آمَنُواْ اسْتَعِينُواْ
بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ )

درس قاسي استعينوا بإيش بالصبر والصلاه

تخيل الحين قال فيك ورم مصيبه !! طيب ورم من اللي قضاه

لو عند أمك بتعطيك اياه لا والله لأنها ترحمك والله لأن الله أرحم بك من أمك ، لا أجل هذا

يقول أحد أئمه التفسير

(والله لإختيار الله لك فيما تكره خير لك من إختيارك لنفسك فيما تحب)

(يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ )

طبعا لن تذوق حبيبي الغالي الا اذا عرفت معنى اذا حبيت السجود

كلمني واحد قبل رمضان بكم شهر في يوم الخميس وانا عندي واحد من اخواني وانا فاتح

السبيكر وهو يتكلم أقسم بالله ياجماعه انه يتكلم ويبكي

وقال قصه ماني قايلها قصه صراحه مؤلمه وقلت له والله ياحبيبي شف والله هذه كلمتي له

قلت له: والله ياحبيبي لو إني ربك اني لا اعطيك من بكائك ومن شكواك لكن والله العظيم إن

ربي أرحم مني

تقدر قلت له هالكلمتين وأدخلو الموقع وشوفوا كلامه بنفسه وش قال قاعد يوصي الناس

قلت له : والله لو اني ربك لا اعطيتك لكن تقدر تقول الكلام اللي قلته لي بنفس الطريقه وانت

ساجد تقدر هالبكاء يطلع لله وانت ساجد لحالك

سكت .. قلت: إذا تقدر روح الحين سوها أقسم بالله مايردك سبحانه


قال : وش توصيني عليه قلت : أوصيك بشي واحد لاترفع من السجود وفي خاطرك شي

ماقلته لله سبحانه وتعالى وسكر ...

بعدها باأسبوع الخميس الجاي دق علي قال انا ماكلمتك أبي أشكي اليوم ولاشي بس آبي اقول

لك كلمه

وترى ياجماعه كتبها في الموقع في سجل الزوار

قال بقول لك كلمه بس تكفى ذكر فيها الناس

قل للناس لاترفعو من السجود وفي خاطركم شي ماقلتوه

يقول أقسم بالله ماآبقى لي ربي ولاحاجه الا قضاها لي في الاسبوع هذا

(يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ )

(يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ )
كل الشكر..........

منورين صفحتي