يا اسعيد لا تشكي لياليك لسعود

يا اسعيد لا تشكي لياليك لسعود
.................. كثر التشاكي ما يحقق سعدها

=
الحظ لو مغروم بعيونك السود
.................. جاب الاماني كلها من مهدهـــا

=
والوقت يا مشكاي به حدر واسنود
........... ... ليت الليالي البيض يكمل عددها

=
حتى ولو الباب بالقفـل مرصود
............... الحظ لا من قــام يكسر رصدهـا

=
الحظ له غيبات وايروح وايعود
.............. ولابد ما تطعم حلاوي شهدهـا

=
ربك كريمن في عطاياه له عود
............... وايعود من جوده ويوفي وعدها

=
ايقودها الرزاق بارسانها قود
............ اللي خلق للكون وارسى عمدهـا

=
دام الامل موجود والرب موجود
............ لا بد نفسك ما تلاقـي سعدهــا

=
طبع القناعه كنز ما حده احدود
............ .... لا بد ون طالت يهلهل رعدها

=
لا شفت براق الحيا هل بارعود
........ .... ولا بشرت ببلاد جالك مددهـــا

=
شكواك امر الله ما عجل الفـود
.......... والغيب علمه عند محصي عددها

=
لو الاماني طاوعت كل مقــرود
................. ما خانت الايام منهو نشدها

ابراهيم أبورويس