يا حلم بالله

[عطرك انفاسي]

(ر)دك بنظرة عيني خلاصة الذوق ............ (هـ) ـاتي لردي منك شوي تكفين
(ي)ـعني كلام الصمت وحكاية الموق ........... (ن)ـوح ٍ تكاثر في عيون المساكين

(هـ)ـمي خذاني هناك من سبة الشوق ............ (ح)ـالي ذوت والحزن صاير عناوين

(لـ)ـمك أجي وأترك لك بحرفي حقوق ............. (م)ـحتاج لكن حاجتي ما لها عين

✿


ويــن أودي نظــرت عيونـي طلبتك ............... قلي طلبتك وين أودي عيوني

لا من نظرت لشرق الأوجاع شفتك ............ والغرب منه الحزن يحرق جفوني

وشمــــال صـدري جـرح ينده فقدتك .......... حتى الجنوب اللي به أكبر ظنوني

صــــار لضياعــــي درب يومـي تعبتك .......... يعني الحزن من غيبتك صار كوني

✿


يا ساكن غيوم السماء هات الأمطار ...................... اللي عذوبتها سفير لـ حروفك

يشمهــا العابــر مثــل فــوح الأزهار ................... وياقـف ويرحـل خايفٍ من ظروفك

✿


يا حلم أرفق لا تبكي رهينة ........... وأخلق لها في ساعة النوم راحة

تكفى طلبتـك ما أبيها حزينة .......... والحزن فيها تكفـى أطلق سراحه

✿



خلني أفكـر بك معك لو ثواني ................... يمكن يصير الحلم واقع وتلقاه

اللي حرمك من الفرح والأماني ........... لو حس بك بـ يموت من شهقة بكاه




✿



ياخي عليك الله لا تمرمط البنت .......... شفها رهينة حلم ماهي سعيدة

الكـون كلـه فـي نظــر عينها أنت ......... وعن درب غيـرك ياخي ترها بعيده