الاعزاء الكرام يطيب لي ان اقدم لكم هذه القصيده وهي من نظم الشاعر صقر لشعاب ابوناصر ارجو ان تنال اعجابكم ....

الغرور الله يجير من الغرور=في زمان الويل كم واحد غتر
كم نشاهد حولنا اشياء تدور=كل يوم نشوف بالدنيا عبر
بس وش حل القضيه من الجذور=يوم صار الداء هذا منتشر
هل نقول انسان ماعنده شعور=ام نقول انسان ماعنده نظر
ام بشر ماهو بمدرك للامور=لو جرح انسان ماعنده خبر
لوفرضنا ان لديه افخم قصور=وكل يوم يعيش في فله وقصر
وان عنده من بنات الحور حور=وان عنده كل اموال التجر
وانه الفارس وحامي عالثغور=كالمهلهل ذي في السيره ذكر
اخرتها وين مثواه القبور=وسط حفره حيث ﻻما اوشجر
صاحبي راجع طريقك والعبور=والحذر ياصاحبي ثم الحذر
التواضع هو جوأزك والمرور=ذي تسافر به الى قلوب البشر
وسلامتكم