[poem=font=",5,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
غريبه عند ماتعشق من مجرد سماع=ونا قلبي عشق من دون ماينصت ومايسمع
فهل ببقئ انا والعشق دائم في صراع=او قلبي مع الايــــــــام باينسئ وبايقـــــنع
وبايودع جميع الشوق بايفض النزاع=ولكن كيف بايقدر على طـــــــبعــه ويتطبع
انا عاشق بطبعي وكل يوم اكشف قناع=ولي مبداء في العشقه ولي مذهب ولي مرجع
وقلبي ما عتقد يقدر على هذاا لــــوداع=وداع العشق مايقدر عليه الا شجاع اقـــــرع
فهل بلقاك يامن جيت في مركب شراع=على موج العواطف والعواطف بحر ماينسع
بديت اشتاق لك والشوق مايقبل خداع=ومن خادع حبيبه يعتبر عاصي بلا مركـــــــع
وخذ قلبي وبيدك قسمه حتى ربــــــاع=وخذ لك ربع وترك لي ثلاث ربــــاع باتنفــــــع
ولكن كيف بوصلك ومن حولك قـــلاع=وكيف رمي بنفسي عمد داخل فوهة مــــدفــع
معي لك حل مقنع وانت عندك لاقتناع=وحاول تجعل اسلوبك اذا وافقتني مــقــــــنع
توسط عند خوتك لي بقدر المستطاع=وكلمهم ورجع لي خبر افــــضل ولاتصـــــرع
لان المال اصبح مشكلة سود النباع=وغير ناس مايتغيرو وماكنت متوقـــــــــــــع
وله قدره على الفتنه وتغير الطباع=ونا لاجيت خايف ذل نفسي عندهم وخضــــــــع
لهذا قلت لك تحضر لقاء ولاجتماع=وتتكلم معاهم بالتي احسن وتتــــــــــــواضــــع
وشف من طال فيه شبر بحسب له ذراع=ولاقالوظروفه قل سبوله خير من مقــــلع
لعلمك ان بعض الناس مافيهم شجاع=ولولا المال ماضنيت حد يقطع ولايمــــــــنع
ولاساعفتهم خلــــــوك وحدك لاسباع=ولاحد منهم لحتجة له يخزق ولايرقــــــــــع
يفرو كثعالب لاوقع نطح الصــــلاع=على حسان لكن من رآهم قال على التبـــــــع
ومن فيهم عمل معروف ولاجمل ضاع=ويحمد ربه ان راسه سلم علموت متضيع
يشلو صاع لكن مايردو نص صــــــــاع=ويبقاء ذالك المكيال خالي لاسقط قــــربع[/poem]

__________________