قصيده للشيخ الشاعر المرحوم/مقبل عبدالله علي جرعون من قبيلة قيفه

اخو علي لو بذلنا الدم لا نوفا=ما نخلف الدرب لوهو بالخطر محفوف


ولا المقابل ثمن او لجل نتكافا=ولا لأجل المكاسب نصنع المعروف


ماواحد إلا وله فى عيشته سلفا=ماغير حد سالفه وافى وحد مخسوف


وانا ومثلى ولو من مامعه وفا=يحسب حساب الهدف مايحسب التكلوف



مادامت القوم ذى ما تنقض الحلفا=ماهمنى حد ولا أنا من حدا محسوف


وابطال عوله محن لاساقها النكفا=ماهمهم من زمن قاسى ولا معجوف


ذى ما يضحى على الناموس ما يعفا=من المذله ولو عنده ذهب مرصوف


ومن قبل فى حياته موقف الضعفا=يعيش مذلول او يقتل وهو مكسوف



ومستحيل الحقايق ياغبى تخفا=مهما تغطى عليها نورها مكشوف


والحق مهما بعد من صاحبه واقفا=لابد يرجع ويتمتع به الملهوف


تمر فى الوقت ليله مظلمه عجفا=من بعدها الفجر يمحى ليلها المكسوف


مهما يخيم سواد الليل باتصفا= والنور يشرق ويطلع ضاوه المألوف


قال ابن جرعون من حب الصعود اشفا=مايعجز الا الضعيف العاثر المكتوف


والجيد يصبر على برده ولا يدفا=بثوب وإلا غطاء فيه الخزاء ملفوف


يهدي بحقه على اصحابه وهو يحفا=مادام ذى ينصف اصحابه فهو منصوف


ولاحظى من غورهم خاطره يشفا=ماهو على مابذل نادم ولا مأسوف


والغر ذي من غناه اغتر واستكفا=لا يخدعك منضره والمضهر المزيوف


يصبح لحاله متى قد هزت العصفا=ما ينفعه ماله المكنوز والمحصوف


والآن قم يا مرافق ساهر الطرفا=مكلف احمل رساله داخل المظروف


مساك عند العول ذي تكرم الضيفا=على الشرف والنكف ما يحسبو مصروف


قيفه مقر الوفاء والسلف والعرفا=وفى سويح الوغا تاريخهم معروف


لا لآنت الصمح الصورع من القصفا=ما لانت ابطال قيفه فالحظاء والخوف


من هوغبي زارهم فى حلقة العنفا=يعرف كم الفرق بين الوصف والموصوف


بلغ سلامي لهم بالود والعطفا=وعطر عوده وكاذى نادر التصنوف


ون حد جفاء منهم فينا فلا نجفا=الهيج يجمل ولو هو فى الخلا مدهوف


ياما بذلنا لآجل الشمل يلتفا=يتوحد الصف لايجلس طنن مشضوف


يا قوم ما تعرف الرهبه ولا الخوفا=ما سعدي إلا متى بيت الصحب مسقوف


وليش مانترك الماضى ونتصافا=الجمع قوه وتفريد الصحب تضعوف


ماشي لنا بأس لاما انتوا سوا كدفا=والدم ما بينكم يحقن من التنزوف


الرمح مهما احتكم فى قبضه الكفا=ماصاب الأعداء سنانه والعقب معطوف


واخشى عليكم من اهل المكر والزيفا=من اجل الارباح يلقوا حصنكم منسوف


من باهم خصمكم يعجب ويتشفا=ماهمهم لو يصابح سيركم موقوف


باعوا تواريخكم بالقمه الخجفا=واصبح نضال القبيله فاليمن محذوف


وذى رسوا بالسفينه خارج المرفا=ولايريدوا سواهم يمسك المجدوف


ذى مثلهم عادوا يصلح ويتلافا=من قبل ما يسمع اصوات الكلاشنكوف


يتحاوروا بينهم باراء تتنافا=عن الهدف ذى قد اصبح منهم مخطوف


ما لم ينالوه بالتذليل والعسفا=يشتوا ينالوه بالتضليل والتحروف


كلاً يضهر غرامه فى هواء هيفا=والباطنه فى محبه عرشها مشغوف


وتجاهلوا نار لا ثارت معد تطفا=وبحر لاهاج ماينقص من التغروف


والوضع يتقبل التعديل والحذفا=محد على حال دايم يامغفل شوف


والحل ماهو فى المدفع ولا السيفا=ولا فى المكر وإلا المسلك المخلوف


اذا قد الداربا يختل فالسقفا=هو با يهدم بناء لينين غورباتشوف


والان يا صحابنا ما قد صدر كفا=والعلم ظمن الرساله والخبر مقطوف


والختم اصلى على احمد كامل الوصفا=شفيعنا يوم كلا ملتهى مشعوف


تقبلو تحيات اخوكمـ
..::الـشـ(خـوره)ـبـوانـــي::..

مـــــــنــــــــقــــــــــول