قصيده تاريخيه

[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/17.gif" border="none,4," type=2 line=0 align=center use=ex num="0,black""]
ابداء بمن سير العليا وكوس الحر = والقى مناشي على لشعاب مطاره
هو ذي خلقها ومالك بحرها والبر = ماحد كما الفرد لعلى خيرة اخياره
يارب عفوك تسامحنالنا تنظر = بو ذاريه قال يالله خفف اوزأره
يامحيي الأرض من بعد السنه تقفر =وحييت عضيان في الخليان بثماره
الصيد والنوب يجنى كل عود اخظر = يجنى مجاني طريه زينة اثماره
والأدمي للحجل لاطاف بايستر = لاشاف ماله على لعلام بثماره
ياذي مسمق في الدنيا لعد تغتر = شفها كما الكلب غداره ومكاره
من يكسب الفيد والدنيا علاه اكبر= عاده لرزقه تقع مسخه وطعفاره
يارب عنا في البرزخ نهار اقبر = لاجا نكير ن بعمدانه ومنشاره
انهار لاتنفع الحيله ولاتعذر = مسوى العمل لاصلح باتصلح ابصاره
وانقد خرب يامشيب الراس ياماشر= لاعاد مدخل ولامندر ولاعذاره
لاهزت اكواس تحرق جات من صرصر=وخلت ادقامها والبحر مسخاره
يالادمي ماعملته من عمل يذكر= مكتوب في اللوح لك بقلام جراره
عسى كتابي معي في اللوح في الدفتر = صمه بليمان ماصمه بليساره
ووفي صلاتي على ملة نبي لزهر = والشمس ذي في السما والقاع نضاره
ذا فصل والفصل لاخر بارقه يظهر = كما القنوف القويه تعتبي شاره
يالقبوله من يحبش يكسب العسكر= يعز قدره وتشريفه ومقداره
وان شذرت رايه يضمد من المشور= وكل مرجل يجي محتاج لاداره
وفي العرب حد خلق خير وحد للشر=مسكين من لامعه في الدار بيطاره
وبعضهم مايحب السوم يتغير = يتعصر الالتشريفه وشماره
وبعضهم مايحب السوم يتشمر = مايفرح الابهدامه وكساره
وبعضهم زين للمطراش يتشير=ولا درى وين ميراده ومصداره
وبعد قم يامعنى شد حر احمر = زر الشبامي وشف ذا جزل بعذاره
حر ابن حره وسيع الباع والمنحر = لاهو بقبلي ولا من بل خواره
واقلص خطامه مع البصار لابصر = من وادي احمد علاه ابواب جراره
وسرحه بطن شاحط لا لقيتو شر= خله كما ذي قفا المطموع غواره
وانشد على بن بجار الزقر ذي يشعر =نقيب في الحصن بين العقم والقاره
واردف سلامي على سالم ميه واكثر = ما حنت ارعود في قنفان زجاره
مقصدك للشرج ذي فيه البلا لحمر = حد الوهل في الحرابه ناس صباره
عند ال ناصر وبن لجرب علاج الشر = وقل لهم قيد صعدي زاد صنجاره
واليوم قد شفت لعما صم في لجهر = وان قد قبض بيده اعطا له تزعتاره
جات الرساله من احمد خطه امسطر = ساقه مع الشاخ من عربان ستاره
ماساقه العام يوم الهيج على المنثر= والعظم ماعاد يجبر بعد كساره
ورى السراره تقع ياصاحبي تضهر= من جاد والا فسل باتطرش اخباره
من لاطرح دحقته على الصح بايعثر = والناس ماحد معول لنكشف باره
انتوا شورتو ا ولحنا مثلكم وابصر= وسوق سمعون ماباتكمل اتجاره
وختمها يوم لايالله عسى مندر = والبحر مشحن بحداده ونجاره
في مهذر الشرج لاياخار من مهذر = لا جاب طبله وقنبوسه ومزماره
ووفي صلاتي على ملة نبي لزهر = ماغرد العول ذي يد فن على ثاره[/poem]العاقل سليمان بن احمد بن عوض بن لشبن بادخن رحمه الله ****** القرن الثاني عشر للهجره [/size][/color][/font]