اخواني اعضاء شبكة خوره حياكم الله
حبيت اطرح لكم هنا قصيده للشاعر
مبارك محمد احمد لزنم( حنتش)
وهي قصيدة عزاء في المغفور لهم باذن الله عبدالخالق محمد محسن ومحسن مهدي
رحمهم الله بواسه رحمته واسكنهم فسيح جناته

واترككم مع القصيده


[poem=font=",7,blue,normal,normal" bkcolor="transparent" bkimage="http://www.khorh.com/vb/mwaextraedit2/backgrounds/25.gif" border="none,4," type=0 line=0 align=center use=ex num="0,black""]

ايها الساده بنوهاشم وحامد=ياسلاله عزها الله من سلاله
يابنو من حطم اصنام المعابد=من صحابة سيد المختار وآله
لجلكم بانظم ابيات القصايد=من الم ينتابني واسع مجاله
لوتفيد الآ آه باجر النهايد=بردف الآهآت من اعلى جباله
آه يادكتور آه يامساعد=ليت شعري ليت ماتمنيت اناله
فاجعة موت الرجاجيل الاماجد=هدني وتعمقت فيني فعاله
موت ابونواف خلاها تواقد=نار قلبي والحشاء زاد اشتعاله
والبنون اطفال ماتن جنب والد=مات كافلهن وهن ماتن قباله
واسأل الله السلامه للحفايد=والشفاء للارمله ثكلا عياله
واطلب الرحمه لهم من عند واحد=لم يلد قبله ولا بعد وساله
يغتسلهم بالبرد من حوض بارد=شربهم من سلسبيله من زلاله
وقال بن لزنم على عهده معاهد=فالمخوه والصداقه والزماله
متبع اسلاف اهله والعوايد=بالوفاء والصدق ننتال الجماله
رغم ليام العصيات الشدايد=والكوارث والمصايب والفواله
كم تجرعنا الصبر والمر جامد=كن شي للحزن في قلبي وكاله
من سنه الفين نوم العين شارد=مارقد له طرف ماتوطت سباله
في ثلاث اعوام قايد بعد قايد=غادروا من بيت سته من رجاله
قد رحل صالح وراح احمد وخالد=وابن عمه وابن عمه وابن خاله
من رائني بعدهم قال انت فاقد=قلت له جمالها فاقد جماله
وختم ابياتي وربي خير شاهد=ان حزني حزنكم في كل حاله
ايها الساده بنوهاشم وحامد=ياسلاله عزها الله من سلاله
يابنو من حطم اصنام المعابد=من صحابة سيد المختار وآله
والف صلوا على النبي ياكل ساجد=تبلغ المبعوث فينا بالرساله
[/poem]

__________________