بسم الله الرحمن الرحيم
هذة ابيات متواظعة ارجو ان تصل الى مستواكم الراقي اليكم الابيات :
[poem=font=",6,darkblue,bold,normal" bkcolor="white" bkimage="http://www.khorh.com/vb/mwaextraedit2/backgrounds/27.gif" border="solid,4,black" type=1 line=1 align=center use=ex num="0,black""]
يامرام القلب ياقلب المرام=واللة اني لا بديتك ما انتهيت
المعاني في خفوقي لك زحام=والقوافي ترتسم لك بيت بيت
والعيون اللي غفت وسط الظلام= ماتشوف الا خيالك لا غفيت
وعمري اللي قد قظئ عشرين عام =لو تبئ باقية لك واللة هديت
قدرك بقلبي رقاء اعلئ مقام=منزلاً عالي ترى فية ارتقيت
اشهد انك مالياً قلبي هيام=واشهد ان ماغيرك احداً قد هويت
والغرام ان حل طاري للغرام=فأنت غامرني غرام وما ارتويت
كيف اروئ والحشاء مجدب وظام=واللهب يشعل وانا منة اكتويت
وانت خابر يامحاصيل الكرام=بالخفوق اللي بحبك مستميت
يرسل اشواقة معا طير الحمام=ويزفر الونات لامنك طريت
والغياب ان طال زاد الاهتمام=لا تقول اني لودك قد نسيت
كيف انسئ وانت في قلبي سنام =والجوارح ملك لك وانا عطيت
وكيف انسئ وانت لي مثل الغيام=تمطر افياظاً بها عشت وهنيت
وكيف اوصف حزن عيناً ماتنام=هاجرت حلو المراقد والمبيت
في حدقها تبصر اسرار وكلام=من سبب هم الفراق اللي اصتليت
وفي ظميري تبصر آهات وملام=للزمان اللي تعنّاني وسريت
بدّد احلام السعادة للغلام=وعيّشة مابين هل يمكن وليت
وقطّع احبال الوصل ظلم وحرام=دون ما ذنب ارتكبتة او جنيت
يارفيـق العمر من سن الفطام=واللة اني مانتهيت ولا اكتفيت
داخلي اوجاع وهموماً عظام=خاف تتوجع اذا منك قريت
وعادتي ماشكي لأحد بين الانام=وان شكيت اشكي لربي لاشكيت
وانت ياغالي تراك اغلئ وسام=نالتة روحي وانا بة قد حظيت
اوعدك وعداً الى يوم القيام=وعد حراً لة مع الوافيين صيت
غالياً تبقئ بحشمة واحترام=لين مانفسي بحفرتها تبيت[/poem]

__________________
يانفس يلـــي ماتبــــي من حداً شي
ولا تبـــي بذر الجمـــــالات فيــــــــــــها
لو كــان ماتمــلك جنيـــهات وحـــــــلي
مقتــنــعـتــاً بلـي تطــــولة يديـــــــــها
تسعى لعفــو الـــــواحد البـاقي الحي
تصبح على الطـــاعة وتمـــسي عليها