من كلمات الدياني العولقي



[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يقولون الزمن طبعه تغير= ولكن ذي تغير طبع لنسان
يحطو عيبهم واللوم والعذر= بشماعه على معلاق لزمان
وحطو لي عوايق حيث انا مر= وحاكو لي حيل اشكال والوان
عجيبه يازمن والله اكبر=يردون الوفي مذنب وغلطان
عرفناهم وكم باعد واكثر= وزناهم على عشرين ميزان
عرفنا حسين ومحمد مع عمر= وجربنا حمد وفلان وفلان
وجدنا انهم نسخه مكرر= ولاشي فيد فالغدري وشبثان
وياهاجس قرح عالقات لخظر=لبا سمره على صوت القمندان
على ضاو القمر والليل لسهر= ولو طال السمر في ليل حيران
وحتى الشعر لانا جيت بشعر= يجيبو لي محلل مثل غسان
وغسان الحسن ماهو مؤثر= على شعار من تبع وحسان
وانا فالشعر جوكر فوق جوكر= وتركع لي قوافيها وقيفان
اجيب اللول والمرجان والدر=هلمي ياجواهرنا ومرجان
اريهم كيف هي اشعار عنتر=لنا تخضع ملوك الانس والجان
فنحنا مننا حنتش وشبر= ومنا ناصر احمد ابن ديان
لنا تاريخ في ريفن وبندر= وتعرفنا عتيبه هي وقحطان
لما ياعاذلي هذا التذمر= ونحنا صانعين الشعر بتقان
وانا مثل الجمل ذي هيج يهدر=يهل الشعر مني مثل لمزان
معي شيطان في راسي معصور=ويسكبها عسل من نوب جردان
وماهو عيب ان لنسان يعثر= ولكن عيب فالتحقير فالشان
واكبر عيب ان لنسان يغدر= واشنع غدر لاجا بين لخوان
وانا ذي المخوه عد واخسر=واشريها باغلى اسعار واثمان
وانا ذي ساعد الزاحف ولكسر= وانا ذي صارع ذيابه وحنشان
ولابيضرني منهو تامر= لاني مصتلب في قوة ايمان
ومن يحفر يقع فيما قد احفر=وياحافر شفه بيجيك دفان
واذا ضاقت عليه هل واشعر= ولحنها على موال فنان[/poem]