رمدة الشمس
ومعصبات عيونهن بظيم الكدر(كاف مرخمة)
رد للسلف
خبر زلمنة الما وصل خبر
هيمة ومساحي مكطعة وخباز مكفوف النظر
عدك علم
دنياك تتوسد على زنود الخطر
لم الدرب
واسحك(كاف مرخمة) على البارود بحزام الحذر
شوف الزلم
فحطوا غفوا ناسين؟ لو دمهم فتر
هز بيرغك وانفض عباتك من مخاليف الدهر
ليش الضحج
ناعورنة اتخورس على ضفاف النهر
رايد طرب بستانة انذبحن غدر فوك الوتر
نسمع لغط غربان تتراكص على عيون البشر
بحبك خفت كبلك الف واللاف داسوا عالاثر
دنياك مهرة مسرجة وايامك متاع السفر
لو صادف بدربك نهر
اطفر ولا تمشي شهر
هاي الزلم
رد للسلف لتهاب ويلات القدر لو شفت شمعة موهجة
واسمعت هلهولة عرس
هز بيرغك صيح بغضب هل السلف
رمدة الشمس
اسمع بعد عدي سوالف سود ما الهن عدد
ضيم وكدر تصدك(كاف مرخمة) بتاريخنة السرحي الهدد
تاريخ قريتنة انهبط وتسودن بحض المهد
ينشد على ارغيف الخبز والناس تلهم بالوعد
اعمى الكلب(كاف مرخمة) تايه رشد
ويسمي كل ارعن اسد
واكثرهم بعد
حتى الفوانيص الخضر تشكي الرمد
هذا الصدك(كاف مرخمة)
عمياوي تمشي وترفس بحض البلد
لا ما اظن
عجزوا ربعنة وايسو ودمهم برد
لا طير لا حس لا نفس حتى الكطة(كاف مرخمة) نايم رغد
محد يدك صدره بعزم ويبسمر الخوف بوتد
درب العمر ليل وفحط
ولوب ممرود مرد
رد للسلف
ما اريدك تسولف على حمود وحمد
حط بظهر كلمن غفة
رفة عتب ما تنهجس
كلهم(كاف مرخمة) فحطنة من الصبر
حل الوعد رمدة الشمس