[poem=font=",6,darkred,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
تربيت بدوي خذ من الشمس لونه= يعشق دلال البن من اول صباه
وعرفت ان العهد ماحد(ن) يخونه=وان التواضع تاج والصدق منجاه
والاخلاق في الانسان احسن معونه= وان الشجاعة في الفتى كنزمغلاه
وشبيت في ذيك الربوع المصونه =ابرز سماتي اعشق الشعر واهواه
وافرح اذا ما الغيث هلت شنونه=ويسرني بوشي اذا دل مرعاه
ولا شفت حمحوم الذرة يصربونه= اسبح اللي بالهماليل غذاه
عمر(ن)تفاخربه واحبه وصونه=محفور في جوفي وعالبال ذكراه
لا حل لدنيا وماحال دونه =دي بعدتنا عن مجانيه ورباه
حدتني اظروفي افارق حصونه= مطرح جدودي جعل مولاه يسقاه
مغرور فارقت الربوع الحنونه=جيت المدينه كني السعد بالقاه
قالو المدينة بها الرقي والمرونه=وبها الحضارة والتمدن معا الجاه
وفيها المتاجر بها كثير المؤنه=وفيها المباني كنها جبال مرساه
وفيها السهر باليل دي يذكرونه=وفيها وفيها كل ماالشخص يبغاه
وياقهر قلبي بعد خيبة ظنونه=قلبي رفضها مارغب غير منشاه
وشلي بليل(ن) فالمدن يسهرونه=امسي به مغرب وحيد(ن) بمنفاه
ياشوق قلبي لصلب ياغبونه=وتشتاق عيني لتلاقي ورؤياه
لامن ذكرته هل دمعي مزونه=هملول دمع(ن)سال عالخد وادماه
هديتي له قاف عذبه لحونه=من قلب عاشق هايم بحب مرباه
يشكي لواعيج الفراق وشجونه= ويبث للقمرة ولنجم شكواه[/poem]

__________________
[flash=http://img8.7ozn.com/files57/2012-10/17c713501630421.swf]WIDTH=548 HEIGHT=375[/flash]
تصميم الغالية أمـــــــــــــاني