:::...سوء الظن...والعقول القذرة...:::
سوء الظن ب الغير...
ابصراحه هالمكان مشهور ب هالشي...يعني من يشوفون واحد يتكلم مع بنت...او يشوفون بنت اترد على احد الشباب في كم موضع...الا طلعوا سوالف عنهم...يا هو يلاحقها...ولا هي تلحقه...؟؟!!!
صفة غيبة...وواضح انها ناتجة عن المثل اللي يقول "كلن يرى الناس بعين طبعه"
فا لو كانوا يحسنون الظن ونواياهم طيبة...كانوا احسنوا الظن في الناس...ف كذلك هم...
لازلت اتذكر واحد كان يحكي لي ان فلان يعرف فلانه...وفلانة اتعرف فلان...وهذول ربع وهذول متهاوشين...ويبين انه مستاء...لكن لما اتعرف عليه اكثر...اجد ان عدد كبير من البنات عنده في المسنجر
"طبعا هالكلام من سنتين...الحين مافي مسنجر عقب الواتس اب
"
يعني ليه هالتناقض...وليه هالتصرفات...
ليه دايما انشكك في الغير...ودايما نسيئ الظن ب البشر...
من انشوف ذكر مع انثى...على طول شغل المخ...والخيال...وخلق القصة...ويمكن حط النهاية بعد...
وياريت لو كان ب حسن نية...بل تلقاه طلع عليهم سوالف وخرابيط...وبلاوي..."طبعا هذا على حسب قذارة عقله"
في موقف سمعته من شخص...
يقول ان ام اقنعت ولدها ب بنت تشتغل في احد البنوك...والبنت ماعليها كلام اخلاق وصفات ودين...
والبنت تشتغل في البنك في قسم السيدات...
صدف ان الشاب اخذ امه للبنك عندها شغلة...وقعد ينتظر امه بره...
وايضا صدف...ان البنت...اطلعت من الباب...وراحت لسيارة واقفه في المواقف...وكان فيها شاب...وعطته ظرف...وراح...وهي ارجعت البنك...والشاب يطالع الموقف...
لما خلصت الام واطلعت...سألها ولدها...اللي تبغين تخطبينها لي...هي اللي اطلعت من شوي وارجعت؟؟...قالت له امه...اي هي...قال لها ما ابغيها...ليه ماتبغيها...شفتها اتكلم واحد وعطته شغلة...فا ما ابغيها...
الام استغربت وتنرفزت...وماخلت الموضوع يعدي كذا...ارجعت للبنت...وقالت لها...ولدي يقول مايبغيك...قالت البنت براحته...قالت الام...اي بس هو رفض لانه شافك مع واحد...وعيب عليك واستحي...قالت البنت...اولا...اذا هذا تفكيره فا انا اللي ما ابغيه ولا اتشرف اناسب هالاشكال...وثانيا...هذا اخوي واذا مب امصدقين روحوا شوفوا السيارة عند بيتنا...
طبعا هذا مثال حي...وواقعي...وحصل...
ولكم العبرة...
وكذلك...بعض الاعضاء في المنتديات...
احسنوا الظن ب الناس...ويكفي اكل لحوم البشر...ترا والله انكم محاسبون عليها...
واتركوا عنكم تفكيركم الوسخ والقذر...ترا هذا ان دل فا انما يدل على سوء فيكم...
واعرفوا ان الناس مب سوا...ولا يتشابهون كثيرا...فا اذا كنت انت ردي...ترا غيرك احسن منك بكثيييير...ومب مثلك...
وللبعض...اللي امسوي لي فيها انه كونان...وصايد السالفة...وفاهم كل شي...اذا كنت يابالفيت اتخاف على بنات المنتدى...ترا غيرك يحافظ على نفسه قبل غيره...
واللي يشوف نفسه مب من هذول...اسلم عليه...واقول له...بارك الله فيك...وانت الصح...
ــــــــــــــــــــــــــــــــــــــــــــــــــ ــــــــــــــــــــــــــــ
موضوع عجبني ونقلتة من منتديات شبكة الاسهم القطرية لاحد الاخوة الاعضاء لاجل الفائدة
اخلص التحايا
__________________
سُبْحَانَكَ اللَّهُمَّ وَبِحَمْدِكَ
أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ
04-07-2012, 02:48 PM
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ