[poem=font="arial,6,red,bold,normal" bkcolor="blue" bkimage="http://www.khorh.com/vb/mwaextraedit2/backgrounds/88.gif" border="solid,4,red" type=0 line=1 align=center use=ex num="0,black""]
الهرج واجد والمعاني قليله=انصحك قل الهرج واكثر معاني
ماهي بقصة الف ليله وليله=كل ماطوينا فصل جا فصل ثاني
الظاهر انك تعشق المستحيله=تبغى تأسس في البحور المباني
ياصاحبي درب المكارم طويله=ممشاك فيها اعوج ولاهو بساني
لاقلت هل قدمت شي من فضيله=قلت ان ابوك القى وجدك فلاني
ونعم بهم قامو بالحمال ميله=رغم الظروف ورغم قهر الزماني
لكنك انته وش معك من حصيله=ماغير تشحذ عل العباد اللساني
تركب بلامعنى بظهر القبيله=ونته فقط من ذالقبيله مداني
ان شي معك في ماتسويه حيله=مكشوف سرك عند قاصي وداني
مالك في الوادي ولا في نخيله=واللي زرعته ماسوى سيسباني
مداح نفسه يوم يمدح هبيله=صدق كلامه وانطرب بالمغاني
مايدري ان كلً وعنده وسيله=وان له محب وله من الناس شاني
عند البشر يبقى اثر للجميله=واللي زرع يبشر بطيب المجاني
بقلمي
[/poem]