[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/13.gif" border="none,4," type=2 line=0 align=center use=ex num="0,black""]
الله لايولـي علينـا ذي قصيريـن النـظـر=ذي لحكمو يالحمدي بيقع لنا من سيـن جيـم
والحكم مايصلح سوى للي بعيديـن البصـر=ذي لحكمو تلمس عذوبة حكمهم سكر وليـم
معاد شي فيده معانا من صحـاب المؤتمـر=وسياسـة التغييـر هـذه يامسلـم ياسلـيـم
لاباس في تغيير وجهات النظر بعـد العبـر=لكنني فزعان بن درعان يوخذ بـن عشيـم
جربت انا اصحاب العمايم هم واصحاب الغتر=وان السياسه واحده شعبان بن عبـد الرحيـم
لافيد في ذولا ولاشي فيد في عسكـر شبـر=كلما تغير مرحله وان الجماعـه سيـم سيـم
يالحمدي لامصر قالو خذت لك رحلة سفـر=وراك ماشليت بن لزنم معـك ينظـم نظيـم
فالقاهره من حيث هي دور الصحافه والنشر=عالنيل ذي يجري وغنا غنوته عبـد الحليـم
بالي مـن جنيهاتهـم ويوخـذو منـي درر=وينشروها في قنـاة النيـل ولا فـي دريـم
شفني انا والفقر في دعوى وتقـوى مستمـر=لمسي انـا ويـاه لتـلاوى مـلاواة الغريـم
لاهو رثاليه ولا حصلـت لـي منـه مفـر=ناشب بحلقي في حلالي ياصديقـي مستقيـم
اتعبتني ياحيدره واتعبـت كـم مثلـي بشـر=لكننـي باحايلـه خـاف ان عـاده يستليـم [/poem]

[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/196.gif" border="none,4," type=2 line=0 align=center use=ex num="0,black""]
قولو لبن لزنم مواسم خير ماتشوف الثمر= مسبل وباتزحيه ناوه رعدها يزجم زجيم
والساعيه في البحر فيها البز جابوه التجر=ماحسن خيوطه بز غالي نقش بطرافه ثميم
لاتهم بن درعان شف نابه على عظم انكسر= والسيف ذي قد كان بيده شفته البارح شريم
وازقر بزاجي ساج لاتزقر بعيدان العشر= عودالعشر مابيفيـدك لاقــــده يلطــم لطيـــــم
اسمع كلامي واتبع الرميان موفين العبر= شفهم عيال الصيعريـــه لاتصــدق بن عشيــم
مابن عشيم وذي معه جوكم بعر فيهم بعر= اتسندو والعصر مدبر شفتهم شعــب العكيـــم
لاعاد تسهن فيد من ذي تحت رباح المحر= ياقطب ظهرك لوبغيت الفيد من ساقــط وقيــم
اما السفر من حيثما اتوجهت بتنال الظفر=فيه الفوايد جم تجلي هـــم في صـــدرك مقيــم
والفقر ماهو فقر جيبك لوتبا مني خبر=الفقر فقر الديـــن والاخـــلاق ياعبــدالكـــريـــم
مافقر جيبك سهل لكن كيف قلبك لفتقر=وامسئ خلي من ذكر ربه خلف شهواته يهيم
وانك كما فقري يهودي في سقر له مستقر= لافيد في الدنيـــا ولافي الاخــره حصـــل نعيــــم
اصبر ترى الله يجزل المده لعبده لوصبر= واشكر ولاتكفر وباتلقـــى الجـــزا ربـــــك كريـــم
قم كد في بابور ولا كد في شيول كتر= ولا جماع اشيـــاه سقهــــن مثــل طـــه والكليـــم
حبل المنى لوطال مهما طال في طوله قصر= لاتتبع اهوى النفس واتعوذب من ابليس الرجيم
والدان هجرع كلما الهاجس حضر شد الوتر= لكـن لــوتلقيـــــه مصدر للعشـــــاء بتبات صيــــــم
[/poem]

__________________
[flash=http://img8.7ozn.com/files57/2012-12/b71b13550550311.swf]WIDTH=530 HEIGHT=350[/flash]