مواقف يوميه مش طبيعيه - منتديات شبكة خورة العربية

		منتديات شبكة خورة العربية > المنتديات التقنية والإلكترونية > الجوال وملحقاته
مواقف يوميه مش طبيعيه

الجوال وملحقاته يهتم بالبرامج الجديده للجوال وما اخر التقنيه الحديثه التي عملت بالجوال ..

Prev

Previous Post

Next Post

Next

Old

09-27-2011, 01:00 AM

#1

جديد نرحب به

Join Date: Aug 2011

Posts: 3

Rep Power: 0

احمدالعزازعزيز is on a distinguished road

Default

مواقف يوميه مش طبيعيه

النهارده ، كان عندى درس و المدرسه اول مره تجيلى البيت، و انا معرفهاش بس امى تعرفها، فا انا بتعرف عليها و بكلمها و ببتسم كده ، لقيتها بتسأل امى هوا متخلف عقليا ؟

مره , في ايام الفلانتين ماما قالتلي انزلي فكي ال 100 جنيه دي فنزلت وبعديها بشوية فاتصلت عليها وقلتلها مينفعش افك الفلوس الا لما اشتري حاجة قالتلي اشتري حاجة وفكيها وتعالي روحت انا اشتريت دبدوب احمر ليا عشان الفلانتين اهديه لنفسي طبعا ب 50 جنيه ورجعت لماما ب 50 التانية راحت قالتلي ابقي كلي واشربي من الدبدوب وشفي مين هيشحنلك رصيد لاخر الشهر

مره ، المصنع اللى قدام بيتنا على طول ولع، فا كلنا فى البيت لبسنا اى اسدال او عبايه و نازين من البيت لا يولع هوا كمان ، لقينا اختى قفلت باب اوضتها على نفسها، اتخضينا و قعدنا نخبط لقيناها بتلبس بنطلون جينز و بادى و تونيك و لسه بتلف الطرحه

مره ، ربيت شعرى عشان البنت بتاعتى قالتلى كده احلى و بابا كل شويه يقولى احلقه و انا اقوله لا، فضلنا ع الحال ده اسبوع، صحيت فى مره من النوم لقيت بابا قاعد ع السرير و فى ايده مقص و بيقولى نعيما يا بطل

مره، كنت بكلم حبيبتى فى التليفون فابويا دخل عليا قالى بتكلم مين قلتله محمد صاحبى، راح رازعنى بالقلم وقالى امال الحيوان اللى برا دا مين، قلتله خلاص بكلم اسماعيل راح ادانى واحد تانى قالى الاتنين برا وبطل كدب، قلتله خلاص بكلم حبيبتى راح ادانى قلم تالت وقالى اديهانى اكلمها

النهارده , فاتح الفيس توك توك لقيت واحد شكله محترم اوي كاتب . انا حاسس اني هرتكب جريمة وهبوس واحدة قريب !!! لقيت واحدة شكلها بردو محترم اوي بتقوله في كومنت واية الجريمة في كده بس

مره , الظابط بتاعي ( انا فى الجيش ) كان عايز يكدرني, قالي شايف السلك الشائك دة ( طوله حوالي 2 كم ) قلتله تمام يا فندم , قالي عدلّي فيه كام خرم و تعالى قولي

النهارده ، اتعرفت ع واحده ع الفيس بوك عندها بتاع 13 سنه كده، لقيتها بتقولى شوفتى الناس الهبله اللى بتقول كل شويه ان تموره مات و الكلام ده و بتضحك، قولتلها يلا يا ربت خلى البلد تنضف، قالتلى اخرسى طب و الله و الله لو جراله حاجه لهبلغ عنك الجيش و عملتلى ريموف

مره ، واحد زميلى فى الكليه رخم اوى اوى اوى عزمنى على فرح اخته وحلف ميت يمين انى اروح المهم روحت لقيته خدنى عرفنى على مامته وقالها هى دى اللى حكيتلك عليها سلمت عليا ونزلت فيا بوس لقيتها بتنده على باباه ياحاج ياحاج تعالى سلم على عروسة ابنك

مره ، بابا عايش برا وبيتصل يكلمنا، اتكلم والصوت بعيد اوي عنده و مش سامع فعمال يقولي علي صوتك انا مش سامع علي صوتك، فلما عليت صوتي، قالي هي حصلت بتعلي صوتك عليا يا قليلة الرباية، وراح قافل السكة ف وشي

مره ، صحيت على صوت التليفون الساعه 4 الفجر , رديت بسرعه لقيته واحد صاحبى، قولتله فى ايه يابنى انتا بخير؟ قالى ايوه، بس انا حلمت انك عطشات فا قولت اصحيك تشرب

مره , كان عندنا امتحان علوم وانا مش مذاكر حاجه قولت اقعد جنب حد شاطر واغش منوا فقعدت جنب واحد شاطر وانا مش عارف حاجة كانوا جايبين فى الامتحان رجول طيور واحنا نقول اسم الطائر فالواد قعد يعيط لغاية اخر الامتحان و هوا محلش حاجة جاى المدرس يلم الورق راح اداه الورقة ومشى فالمدرس قالوا فين اسمك راح مشمر رجلو وقالو اعرف انت اسمى بقى

مره , كنت فى النادى مع صحباتى و كان فى واحدة مش واخدة بالها ان موبايلها فى ايداها و قاعدة تدور عالية فراحت رنت علية من الموبيل ( موبايلها ال فى ايداها ) و قاعد يكتبلها Number busy فراحت شاتمه و تقول مين ابن الكلب البي cancel عليا ده

النهارده , جدتي بتكلمني عالبيت فـبتقولي إيه يا أحمد إنت فين؟ قلتلها في الدرس قالتلي طب أول ماترجع البيت كلمني عشان محدش بيرد على تليفون البيت

النهارده , دخلت موقع جامعة اسكندرية الرسمي لاقيت مكتوب ان الجامعة اختاروها رقم 147 على مستوى جامعات العالم وبخش الموقع الرسمي لترتيب الجامعات العالمية لاقيتها فى الترتيب رقم 8601

مره , كنت انا وزملاتى بنعمل اختبارات كوره من زمان وكنا كلنا لابسين طقم احمر عشان نلعب مع بعض ومايفرقوناش فى الاختبارت بتاعت النوادى ... بعدين كان معانا واحد زميلنا ابن حلال قلنا فى اختبارات اخر يوم فى الزمالك ومكنش معانا غير الطقم الاحمر نزلنا احنا 7 الاختبارات فى الزمالك بالطقم الاحمر واحنا بنسخن عشان ننزل الملعب الكابتن نادى علينا وقلنا والله العظيم لو فيكو رونالدو مش هيتاخد نزلنا وكسبنا فرقه الزمالك والكابتن رمى لينا الشنط بتاعتنا بره النادى ههههههههه

احمدالعزازعزيز is offline

Reply With Quote

Bookmarks

« Previous Thread | Next Thread »

Currently Active Users Viewing This Thread: 1 (0 members and 1 guests)

Posting Rules
You may not post new threads You may not post replies You may not post attachments You may not edit your posts BB code is On Smilies are On [IMG] code is On HTML code is Off Forum Rules

Forum Jump

Similar Threads
Thread	Thread Starter	Forum	Replies	Last Post
تجميل البشرة بطرق طبيعيه	كابتن سعودى	كل ما يخص عالم حواء	7	03-07-2011 08:03 PM
أجمل صور حدائق طبيعيه	صقر شبوة	منتدى عالم الصور	22	07-02-2010 05:20 PM
علاجـــات طبيعيه للبشـــره	هـاامر تــك	كل ما يخص عالم حواء	0	04-10-2010 08:42 PM
صوره طبيعيه جميله في خوره	التاريخ الجديد	منتدى عالم الصور	4	05-03-2009 07:25 PM

All times are GMT +3. The time now is 10:21 PM.