دخيــل اجمــل عيـــون اللي شقاوتها تهد جبال
دخيلك لا تناظرني تــرى بعض العيــون خبال
دخيلــك لاتزيـــد الطيـــن بلــه وانــت فـ اعمــاقي
دخيــل اجمــل عيـــون اللي شقاوتها تهد جبال
دخــيلــك لاتــجنني بهــا ثم تنــــوي فـراقـي
دخيل احلى عيون اللي بها سحر وشموخ رجال
تخــليني معــاهــا ارحــل بعــيـــد وتـوســع افــاقــي
دخيل اجمـــل جديلٍ طاح من عالي مثل شلال
علــىخــصرٍ نــحيل وعجــز وصــدرٍ كــمل الــباقي
دخيلك والهـوى لامن تحـــرك ثــم جديلك مال
يمـيــل القـــد مع مــيل الــجـديــل ومعـــه خــفاقــي
دخيل اجمل حرير اسود سواده فاق اسود شال
تخــليــني عــلـى زنــــدك انـــام وأغــمــض احــداقي
دخيل الجيـــد والعاتق دخيل النحــر والسلسال
دخــيـل الشـــفتــين اللي تضيــــع هقــــوة الهـــاقــي
دخيل الخال في صدرك دخيل اجمل صدر به خال
دخــيل الضـــمــتين ورجـفــة الخــفاق وعــناقــي
دخيل السلسبيل اللي بصدرك والعرق لاســال
تخـليـــني وسطـه اغـرق ألـــين اوصــل لترياقي
وانا لاقلت بغرق بك ابغــرق ماعليها جــدال
ابــغرق ليــن يذبـحنـي ضمــاك ويطــفش الساقي
دخيلك يوم انا جيتك وجيت بشيطنة اطفـــال
تخلـــينـي على الفطــره كـــذا لاتنـوي اغراقي
دخيلك لا طفح كيل القصايد مانتهى المــوال
تخلـــيني ادور لـــك كـلامٍ يفـضـح اوراقــي
__________________
05-26-2011, 02:47 AM
Similar Threads
Threaded Mode