الـــســــلام عـلــيــكــم ورحــــمــــة الله وبــركـــاتـــه
الاخوه والاخوات اسعد الله اوقاتكم باالخير والعافيه كما عودتكم بكل جديد وقديم من
القصائد اسمحولي اطرح لكم هذه القصيده والتي تحمل في طياتها الكثيرمن المعاني
حبيت اطرحها لكم ان شاالله تنـال اعجابكـم جميعـآ القصيده نضمت ابياتها يوم
الخميس تاريخ 14/8/2008م من اقوال محدثنكم وولدكم واخوكم
وعمكم ناصرعبدالله ناصربن لزنم ابو فهد
اتــــــركــــــم مـــــــــــــع الـــقـــصـــيــــده

[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/10.gif" border="inset,3," type=0 line=0 align=center use=ex num="0,black""]
قال ابو فهد حس العظم واني وفاتر=كيف انا قول والقي لاعظامي لغيبه
مانفعني علاج الصيدلي والدكاتر=دايم القلب دي مجروح يصعب طبيبه
من عذاب ارضنا سوت على حمل جاير=وهلها كل ساعة يطلعو لي مصيبه
عشت في حبها مغرم ولي قلب حاير=بس يا للاسف عائش بدنيا غريبه
خلت القلب يتحرق وله دم فاير=نار من داخله تشعل وشبت كريبه
كل ما جيت بتناسى مكاني تذكر=مانسيت البلد هي والوجيه الصليبه
عادني كل ما غنيت باالصوت وشعر=حن قلبي على تاك الجمال المنيبه
ياحنيني حنين انسان مثلي مكدر=ما يحب الزلال والفسل ما يهتربيه
راحت ايامنا والخالدي والمشطر=والوفاء راح وايام السلا دي عجيبه
جاتنا ايام فيها كل مجنون وغبر=كل واحد معه بندق وسواء حقيبه
ناس ماعندها مبداء ولاباتحضر=صعب يتحضرو والجهل ماخذ نصيبه
ياخساره على التعليم دي قد توفر=كن ماحد درس فيكم ولا يستجيبه
كم سنه تدرسو معكم حقائب ودفتر=ماعرفتو كتاب الله خساره وعيبه
ريت من قد درس يعرف كتابه وفسر=يعرفو اية القران جاهل وشيبه
يعرفو كيف حكم الشرع لاحد تجبر=أمر من ربنا وحنا علينا لجيبه
كل شي وضحه للعبد واضح ميسر=بس لحنا خذتنا جاهليه عصيبه
مالفكر بدين الله لظلم ولغتر=ويلكم ويل من نار الجحيم اللهيبه
هاكذا من معه بندق يفرغ وخشر=عاد با تعقلو يااهل العقول المخيبه
لامتى هاكذا والعقل ناقص وحجر=اعقلو وحذرولما متى وا سليبه
ظلمكم حرق اليابس ودي عاده اخظر=وغضب الرب وصبحنا بحاله كئيبه
كانت المنطقه با الخير والزرع تزخر=خيرها منتشر في المبعده والقريبه
كنت يا حدنا ياحد غالي مطور=كان مرسى الدخل وان حد ظلم يلتجي به
وين حصن الكدم والكوم دي كان يذكر=وين زهوان والمتنه وجول امعضيبه
وين جاران واهل اهفاء وحصن المنور=والخدر والخرب وسيتنان الحبيبه
وين عاد الهجر واهل الغروف الله اكبر=وين جت حرمله والسوق كله بذيبه
وين لملح بناها قلعته بن منصر=ومغريرا وكم بحسب شفوها صعيبه
اح ثم اح كم باحسب وكم باتحسر=مامعي فائده حمي على ذا الشبيبه
راحت اكتاف بن لزنم يمينه وليسر=بس بصبر على نزع الدلي هيب هيبه
عاد راسي صلب مثل الجبل ما تكسر=صلب ما ينكسر تسمع لصوته لجيبه
قلب مومن بما قد كتب الله وقدر=ينطق الحق غير الله ما حد يصيبه
يا امجبل قل لساحط وامسمينه تصبر=دي رفع شانهن عداء بلس وامخشيبه
ذه شوامخ لها تاريخ في الخير والشر=تحمي احدودنا لاقد حمي من قصيبه
شارحه خوره الغناء ودي خصم يقهر=خل من قد شرد قال المثل باتجيبه
بايجي يوم له راعد وله برق ثور=واهل جيشان با ترجع ومولا حطيبه [/poem]

__________________
[poem=font=",5,blue,bold,normal" bkcolor="transparent" bkimage="" border="none,3," type=0 line=0 align=center use=ex num="0,black""]
بدوي وبن بدوي وليه شهرتي=وابن البداوه لاتكلم يرتفع راسي
ربوني اهلي كيف وفي كلمتي=على الوفاءوالطيب قدلي قلب رجاسي
واقف مكاني ماانثني من همتي=مثل الحديدالصلب دي في مصنعه قاسي[/poem] تحياتي للجميع اخوكم بن لزنم ابوفهد