بريد همس الخواطر وعذب الكلام.. قل ولو كذابا كلام ناعما..

إيه من حقّك تحب واحدجديد
بس قلبي لا أشوفك تقْربه
بنصحك وأدري النصيحه ماتفيد
يا تعمّر بيتك أو لا تخْربه
ناوي تعشق عافيَه إعشِق بعيد
صير ضِد القلب خُون وعذْربه
الله يْهنّي سعيدة في سعيد
وكل عقرَب لدغتة من عقْربه
لا تفكّر في إنكساري يا عنيد
و الكلام إن جاك لا تستغربه
صوتك إللي كان لي أيّام عيد
ما يأثّر في الخفوق ، ويطربه
مو أكيد أنساك بس إن الأكيد
كاس من إيدك ، بعد ما أشربه