[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الاخوه الاعزاء
السلام عليكم ورحمة الله وبركاته
لعرض عليكم هذه الابيات عسى تنال استحسانكم
بدع ابو هادي :
انا سلامي كف ما الراعد قصف=ومسا يرج الحيد و الوادي رجيج
شعنا قياده صف راسخ بالملـف=قوة بني فارس مسيطر عالخليج
** الخليج يقصد بها وادي خوره **
الحزب الحاكم :
ونا سلامي زف مالمدفع قذف=لتقابلوا بال(إف) مع طيار ميج
سلام لك يلهف في هاته لهـف=بالفل والكادي وفوّاح الاريـج
لهتم ولا بكلف ولا لك بصترف=ما هم ثواّرك وقوات البسيـج
ابو هادي :
انا سلامي لف ينزل في المحف=والضيف لا جانا لوقيـه الفليـج
العفو لا شي طف والشاعر لطف=رعنا في الدينا على بكره وهيج
الحزب الحاكم :
ونا سلامي الف في لكّين الف=وعداد مالسمار تهزجها هزيج
يا ضارباً بالكف في كفه وقف=مليت من منته علي تزلج زليج
ابو هادي :
يا ذري بن ديان لـي منـك بطـا=هوشي لها جودات او منته خصيص
قلتـوا مغاويـر البلـد وسيادهـا=قلتو كما عنتـر ولا فيكـم نقيـص
لكـن صفحاتـك تــردك لا ورا=شف كل غالي با يردونه رخيـص
ما حالهـن ماشـي لهنـه مغفـره=محميت بن شداد داسـوه القنيـص
الحزب الحاكم :
يا ساريا في الليل والليـل اغـدرا=حاذر نياب الذيب في الليل الغليص
يا قاحماً نفسـه ولأ حلّـت جـرا=ساب البلا يبلا وهو منه يحيـص
ما هاب موج البحر عالموج ابحرا=ونته تبا تُبحر وفي قاعه تغيـص
ديان وانت اعلم ونـت بهـم درا=ليلة مرسناها وعصناها عويـص
ما ظنتي ناسـي ظهيـره لغبـرا=واللحم راشن في الحقايب والقميص
شجعان ساقوها على ابلس لكبـرا=ونته توقيته على نفسـك حريـص
ارويد عاد الفرق بـازل او جـرا=متخير الا مثل راسك يـا قليـص
اما لبـن شـداد سيـت المعبـرا=يحجا على راسه وجّهاله وعيـص
عندك لقاها من متارس مصعـرا=غطيتها ولقيتها في العيص ميـص
ابو هادي :
يقول بن هـادي عبيـده=ملقين ابو عطفه ونكسـا
بن صالح الجوده بعيـده=من بعض لادم ذي بتنسا
لازم انـا دور لفـيـده=من راس قاسي يوم يقسا
من بعد ليـام الشديـده=با مر في الحوطه ولحسا
لما لسجل في الجريـده=هذا خبر من يوم امسـا
قلبي مولع فـي وليـده=والقلب يشعل نار قبسـا
الحزب الحاكم :
يا ذي يبا الحوطه رويـده=يخسا يبا المدخال يخسـا
وش أمن اجحا ذي بإيـده=يومه على غيـره بيهسـا
معكم على الدنيا طريـده=ردو زمن غبرا ودحسـا
خسـران مالفيـده فُقيـده=مغير جاب اهروج ملسـا
من كادنا مـردود كيـده=لا وسط نحره سهم قوسا
إنا لُـذل , بعـدا بعيـده=با لغرقه في بحر موسـا
الحب له عنـدي عقيـده=في حب مولى طرف نعسا
وتقبلوا خالص تحياتي

[/poem]