بسم الله الرحمن الرحيم
السلام عليكم ورحمة الله وبركاته
ـ خلود: إش، تعهد ؟ عادي،،
ـ المراقبة: عادي ها ،، طيب بنشوف ،، خذي وقعي هنا بعدين خلّي الواسطة تنفعك ،،
ـ الوكيلة: وهذي كمان ،،
ـ نوال: أنا إشلي هيا !!
ـ الوكيلة: إشلك ؟ بعدين تعرفي ،،
ـ نوال: كيف بعدين ! مين جا، كتبتوه تعهد !
ـ المراقبة: تعالي هيا وقعي ،
ـ نوال: لا ما حكتب ولا حوقع لما أعرف !
ـ المراقبة: قلتلك أكتبي بسرعة ،،
ـ نوال: والله ما أكتب لما أعرف !
ـ المراقبة: يعني ما تبغي !
ـ نوال: أنا ما قلت ما أبغى ، قلت أبي أعرف !
ـ الوكيلة: هيا خلصينا بلا كلام فارغ ،،
ـ المراقبة: خليها، خليها، تبغي تعرفي ليش ؟
ـ نوال: ياريت،،
ـ المراقبة: بعطيكي كلمتين بس، أمس بعد الصرفة عارفين إش سويتوا، ولا أقول إش حصل بالتفصيل،لا تفكروا إننا غافلين عنكم، حتكتبي الحين ولا لأ ؟
ـ نوال: حكتب، بس ما حتتكرر،،
ـ الوكيلة: بنشوف،، وقعي هنا،،
ـ المراقبة: هيا على فصولكم.
ـ خلود: أنا عارفة إنها المطوعة ، لكن والله ما أفوتها لها ! وتشوفي،،
ـ نوال: أبغى أمسكها بس وتشوفي إش أسوي فيها ،،لأبهدل لها شعرها الخشن،،
ـ خلود: هيَّ إللي ورطت سمر وأريج ،،
ـ نوال: والله هذيك المرة سحبت لها الطرحة في الفسحة عند المقصف،، والله البنات
ماتوا من الضحك عليها،
ـ خلود: كلهم يكرهوها،، ما أطيقها،، هذا حرام وهذا حرام، رفعت لي الضغط ،،
ـ نوال: يعني أنا أطيقها،،
ـ خلود: بالله لو كان شعرك زيّها ؟
ـ نوال: أسري ،، والله على طول مكينة !
ـ صباح اليوم التالي في المدرسة ـ
ـ وعلى طابور الصباح،،
ـ المديرة: بسم الله الرحمن الرحيم،،
ـ نوال: اشتغلت المحكمة العليا !
ـ المديرة: قبل كل شي، إحنا بصراحة تعبنا كثير معاكم، خصوصا ثانية وثالثة،
أولا على اللبس، الوحدة فيكم تجي هنا للمدرسة مغطى ومسترة،، تطلع من المدرسة بشكل تاني عن الصباح ! ليش ، ما أدري، أنا بنفسي أستغرب ! تخرج من البيت العباية تغطي كل جسمها والطرحة طبقتين على الوجه وماشية من أحسن ما يكون لكن تعالوا شوفوا لما تطلع من المدرسة ! العباية مرفوعة خمس أشبار، والطرحة طبقة وحدة، وهذا إذا كانت حتغطي، ومشيتها يمين وشمال ! واللي واقفة تشتري من البقالة، واللي واقفة تهرج مع زميلاتها، ليش المدرسة ما يكفي تهرج فيها ! ما يحلى لها الكلام إلا في الشارع ! فين الأدب والأخلاق الإسلامية إللي علمنا هي الدين الحنيف !!
ـ سوسن: على مين حكمت المحكمة ،،
ـ المديرة: على العموم بكرة إن شاء الله نكمل باقي الكلام،،
ـ عبير: رفعت الجلسة،،
ـ سوسن: يعني براءة.
ـ المعلمة: عبير أقري، الصفحة 45.
ـ عبير: منى هاتي كتابك،، بسرعة.
ـ المعلمة: ليش فين كتابك إنتي ؟
ـ عبير: ضاع، دورت عليه في كل مكان،،
ـ المعلمة: خليكي واقفة، بسرعة،،
ـ عبير: رجلي توجعني ما أقدر،،
ـ المعلمة: على كيفك هو،، أوقفي،،
ـ عبير: أف،،طيب،، أعوذ بالله،،
ـ المعلمة: خلود ،، أقري ،، خلود !!
ـ سوسن: خلود خلود !
ـ خلود: ها ؟ ها ؟ إش في ؟!
ـ المعلمة: خليكي زي منتي، لا تتحركي،، والله لو تحركتي ! أرفعي يدك هيا !!
ـ سوسن: الفاتحة،، بسم الله...
ـ المعلمة: يا سلام،، يا سلام،، أهلا أهلا !
ـ عبير: يا أبلة ، تبغي حبل !
ـ سوسن: ليش ؟
ـ عبير: عشان المشنقة فوق المروحة ،،
ـ المعلمة: منى، خذيها للمشرفة،،
ـ خلود: خلاص يا أبلة، لا تكبري الموضوع على شي ما يسوى ،
ـ المعلمة: ما شاء الله حتغنيلي أمشي هيا !.
ـ المشرفة: نعم ؟
ـ منى: خلود ،، مش أنا،،
ـ المشرفة: طبعا الست خلود مين حيكون غيرها ،، إش فيها ؟
ـ منى: الأبله لقيت عندها مسجل، والسماعات بإذنها،،
ـ المشرفة: إش ! مسجل ؟!
ـ منى: إيوه،،
ـ المشرفة: طيب روحي إنتي وخليها ،،
خلود: تعهد، صح ؟
ـ نوال: ...........64
ـ ترن،،ترن،،ترن،،،،،،
ـ الشاب: ألو ؟
ـ نوال: ألو ،، خلود موجودة ؟
ـ الشاب: والله طلعت قبل شوية،،
ـ نوال: طيب قلها نوال اتصلت،،
ـ الشاب: أرجعي دقي بعد شوية،،
ـ نوال: ماشي،، باي،،
ـ الشاب: مع السلامة.
ـ نوال: أوه،، بمين أتصل الحين ! إيوه، سمر ،،
ـ سمر: ألو ؟ مين ؟
ـ نوال: يعني ما عرفتي صوتي بالله !
ـ سمر: ها ، عرفتك،، خير ؟
ـ نوال: إشبك تردين بدون نفس كذا !!
ـ سمر: لا ما في شي،، كيفك إنتي ؟
ـ نوال: الحمدلله،، بس بغيت أعزمك عندي بكره،
ـ سمر: إش المناسبة ؟
ـ نوال: بدون مناسبة ! لازم يعني !
ـ سمر: ما حقدر أجي ،، عندي تحفيظ ،،
ـ نوال: والله إنك فاضيه،، تخلي عزومتي والطرب والونسة ورايحة التحفيظ !! ملحوقة،،
ـ سمر: عشان أنا أروح بدري،، معليش،،
ـ نوال: والله براحتك،، مع السلامة.
ـ سمر: إشبك ! زعلتي ؟
ـ نوال: أزعل ! على إيه ! على حاجة تافهة،،
ـ سمر: الله يسامحك،،
ـ نوال: سلام، سلام.
ـ أم نوال: من أول تتكلمي !! خلاص،،
ـ نوال: روحي روحي،، لسه باقي،،
ـ خلود: هاي،،
ـ الأخ: اتصلت عليكي نوال قبل شوي،،
ـ خلود: ألحين أتصل عليها،،
الأخ: روحي غرفتك،،
ـ يوم العزومة في بيت نوال ـ
ـ نوال: هلا والله ،، هلا،، أتفضلوا،،
ـ جوجو: كيفك؟ إش ذا كله!
ـ سوسن: أهلا يا نونو ،،
ـ عبير: كيفك يا بسه،،
ـ نوال: عادي، خذي راحتك، بسه ولا هرة ولا قطة،،هاهاهاهاها،،
ـ جوجو: صرنا حديقة حيوانات والله،،
ـ نوف: ما أروعك والله ،، يا هو،،
ـ نوال: ثانكيو،،
ـ عبير: حنبقى واقفين كذا ؟!
ـ نوال: طيب خشوا جوا هيا هيا،،
ـ سوسن: الشريط في المسجل؟
ـ أحبك حب أكبر حيل من كلمة أحبك،
وسألي عيني، آه وسألي عيني،،
ـ نوال: لفيه من الأول،، إيوه،،
ـ عبير: هذا كاضم،، صح ؟
ـ جوجو: شغلي غيره،،
ـ نوف: إيوه بس، بس،، أرفعي الصوت،،
ـ خلال دقيقة فقط ـ
الله أكبر ـ الله أكبر
الله أكبر ـ الله أكبر
ـ نوال: إيوه،، عاشوا،،
ـ جوجو: عبير،، قومي أرقصي معاها،، هلا،،
ـ سوسن: يا بنات، غريبة خلود ما جت !
ـ نوال: ما أدري وش فيها،، أوريها أنا ،،
ـ والشريط يسطح بالغناء والمؤذن يرفع الأذان ! ـ
حي على الفلاح ـ حي على الفلاح
ـ خلود: السلام عليكم،، نوال موجودة؟
ـ أخت نوال: هلا هلا ،، وراكي تأخرتي ؟
ـ خلود: انشغلت شوية والله،،
ـ نوال: بدري !
ـ خلود: هذي أمي،، مادري عنها،،
ـ نوال: طيب، تعالي،،
ـ في نفس الوقت ـ
الحمدلله رب العالمين،،الرحمن الرحيم
مالك يوم الدين...
ـ سوسن: هذا عبدالكريم شغليه أحسن،،
ـ عبير: الجينز رهيب عليكي،،
ـ خلود: تسلمين،، هذا من ذوقك،،
ـ نوال: إيوه ، أرفعي الصوت،، الأغنية روعة،، عاشوا،،
ـ في نفس وقت الصلاة ـ
قل يا عبادي الذين أسرفوا على أنفسهم
لا تقنطوا من رحمة الله..
ـ وهكذا استمر اليوم،، وعلى هذا الحال،،
ـ بس ثاني يوم في المدرسة !! ـ
ـ يـتـبـــــــع ...
ـ تأليف وتقديم / ملكوتـي
470c6a0e-762a-4f67-87e2-b9a332184376
1.03.01
10-17-2010, 06:49 AM
(قلوب بين الشموخ والإنتحار) ج2
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ