بسم الله الرحمن الرحيم
السلام عليكم ورحمة الله وبركاته
ـ وائل: يا علاء،،علاء،،
ـ علاء: إش في ؟
ـ وائل: تعال معايا ،
ـ علاء: على فين ؟!
ـ وائل: تعال بس، إشبك خايف !
ـ علاء: من ايش خايف ! بس أبغى أعرف ؟
ـ وائل: يوه، تبغى تجي ولا أروح ؟
ـ علاء: أمشي ، بس بسرعة.
ـ وائل: أكيد بسرعة.
ـ علاء: هيا هو ذا المكان ؟!
ـ وائل: مش حلو ؟! دلحين تشوف الانفجار ! أحلى انفجار ، شوف شوف !
ـ علاء: أنا ماشي،
ـ وائل: إستنا شوية، دلحين يطلعوا ،،
ـ علاء: لسه، مدارس البنات تتأخر،
ـ وائل: سمعت !!
ـ علاء: إش ؟!
ـ وائل: رن،،رن،،الجرس ،،
ـ علاء: بنشوف إش بتسوي،،
ـ وائل: شوف كيف يطلعوا ! يا سلام ،،
ـ علاء: لسه في البداية،، شوف، شوف ،
ـ وائل: شوف هذي ، تعال،تعال،،
ـ علاء: فين !
ـ وائل: تعال بس،، لا تسأل ،
ـ نوال: خلود، أمشي ، أمشي،،
ـ خلود: استني، أمشي بهدوء لا تسرعي ،!
ـ نوال: بيشوفنا بعدين أي أحد ،،
ـ خلود: مين بيشوفنا ! أمشي بس ،،
ـ نوال: لا لا ، والله أنا خايفه.
ـ خلود: خايفه !! إنتي !! والله معجزة !!
ـ نوال: على قولك، بخاف من ايش ، تعالي،،
ـ خلود: تعالي نقرب شوية،
ـ نوال: بس هنا،،
ـ خلود: استني، تعالي، حيكتب الرقم،،
ـ نوال: طيب بسرعة، تأخرنا ترى،،
ـ وائل: هذا رقمي، وهذا رقم التاني خويي،،
ـ نوال: هيا يا خلود،،
ـ خلود: طيب ليش ما يجي ! خايف ولا يستحي !؟
ـ وائل: خجول،، سلام ،
ـ نوال: أخيراً.
ـ اليوم إللي بعده في المدرسة ـ
ـ الطالبة: خذي، هذي أسماء البنات، وهذي أسماء الفصول.
ـ الوكيلة: شكراً، مع السلامة.
ـ المراقبة: في جديد ؟
ـ الوكيلة: ذي أسماء البنات أمس في الصرفة،،
ـ المراقبة: أشوف !
ـ الساعة 9 ونص في المدرسة ـ
ـ الوكيلة: يا بنت، تعالي،،
ـ الطالبة: نعم، يا أبله !
ـ الوكيلة: روحي نادي خلود عبد الصبور 3/2 ــ ونوال سعيد من 2/4 ــ بسرعة،،
استني ! ونوف أحمد عبده ، من 3/1 ،،هيا .
ـ المراقبة: الله يعينني عليهم،،
ـ الوكيلة: أهلا،، تفضلوا تعالوا ،،
ـ خلود: نعم !
ـ الوكيلة: هناك، هناك،، عند المراقبة ،،
ـ المراقبة: أولا أحنا مش قلنا ممنوع المناكير والسلوس ولا لأ ؟!
ـ نوال: إش فيها،، كل شي ممنوع !
ـ المراقبة: إيوه ممنوع، إنتوا في مدرسة، مش في سهرة ولا ملاهي ،، طلعيه وهاتيه،،
ـ نوال: ما أقدر مش حقي !
ـ المراقبة: حقتك ولا مش حقتك، حتطلعيه، هيا ،،
ـ الوكيلة: طلعيه هيا،، ما تفهمي !
ـ نوال: خلاص ماعاد حلبسه تاني ،،
ـ المراقبة: يعني ما تبغي تطلعيه ! طيب أوقفي هناك، هيا ،،
ـ نوال: قلتلك خلاص، يوه ،،
ـ المراقبة: روحي أوقفي هناك،،
ـ نوال: عليّه اختبار، بروح أختبر ،،
ـ المراقبة: مافي اختبار، إش رأيك ،،
ـ نوال: بعدين إنتي حتنجحيني،، ماشاالله،،!
ـ المراقبة: بلا طولت لسان،، أنكتمي ،
ـ نوال: خلاص لو ماعادولي الاختبار، حتكوني إنتي السبب ،،
ـ المراقبة: بنت، بلا قلة أدب،،
ـ خلود: صح يا أبله،، ما حتعيد لها الاختبار،،
ـ المراقبة: وإنتي إش دخلك ! ها !
ـ خلود: الله، صحبتي،،
ـ المراقبة: كمان طولت لسان ! لسانك أطول منها !
ـ نوف: بس مسكينة يا أبله ،،
ـ المراقبة: ما حد سألك إذا كانت مسكينة أو لأ،،
ـ نوف: آسفة .
ـ المراقبة: مين يوصلك عالبيت بعد الصرفة يا ست خلود ؟
ـ خلود: ما حد ، لوحدي، في شي ؟!
ـ المراقبة: يعني إذا خرجتي من المدرسة وقت الصرفة، متى توصلين البيت ؟
ـ خلود: ليش أنا في محكمة !!
ـ المراقبة: جاوبي على قد السؤال، وبس ،،
ـ خلود: يعني من هنا للبيت نص ساعة،،
ـ المراقبة: وهذا كله مشي ! ليش فين البيت ؟
ـ خلود: عند مستوصف نور الدين !
ـ المراقبة: ونص ساعة !! ليش ! عشرة دقايق من هنا لهناك وبالراحة كمان،، ما شاءالله ،،
ـ خلود: يمكن إنتي تمشي بسرعة،،
ـ المراقبة: طيب أعطيني رقمكم بسرعة، كم ؟
ـ خلود: ليش ! أنا كذابة !
ـ المراقبة: ما حد قال إنك كذابة، هيا بسرعة ،،
ـ خلود: الحرارة مقطوعة ! لما تجي بعطيكي ياه!
ـ المراقبة: وإنتي كم رقمكم ؟ ولا إنتي كمان الحرارة مقطوعة ؟!
ـ نوف: ما عندنا تلفون .
ـ المراقبة: مسحتيها بالمرة ! كم كم ؟
ـ نوف: قلتلك ما عندنا تلفون، ما تصدقي !
ـ المراقبة: أتكلمي بأدب،، بس ما حتروحي لما تقولي كم رقمكم أو رقم أقاربك !؟
ـ نوف: في رقم جدتي ، تبغيه بعطيكي ،،
ـ المراقبة: أسكتوا بلا ضحك ،، طيب ، كم ؟
ـ نوف: ....................64 حاجه تانيه ؟
ـ المراقبة: روحي دلحين ،،
ـ نوف: شكرا، باي ،،
ـ نوال: يا أبله أنا تعبت !
ـ الوكيلة: بدون صوت،،
ـ توت،توت،توت،،،،!!!!
ـ المراقبة: تعالي تعالي تعالي !!
ـ نوف: إش في ! قلتيلي روحي !
ـ المراقبة: أقربي بسرعة !
ـ نوف: مافي شي !
ـ المراقبة: إش ذا ؟!
ـ نوف: جوال الشيطان .
ـ المراقبة: ما شاءالله،، الاعتراف بالحق فضيلة،، مو كفاية شيطانك !! وجايباه معاكي المدرسة ! هيا على فصلك ،،
ـ نوف: بعد الفسحة حاخذه ،،
ـ خلود: أروح أنا كمان ؟
ـ المراقبة: أنا جايه معاكي عالفصل .
ـ خلود: ليش ! لازم !
ـ المراقبة: أمشي،،
ـ المراقبة: السلام عليكم .
ـ المدرِسة: وعليكم السلام، تفضلي ،
ـ المراقبة: بس تفتيش بسيط للبعض ،،
ـ المدرِسة: خذي راحتك ،
ـ المراقبة: هذي شنطتك ؟
ـ خلود: إيوه، وليش ؟ تبغي تفتشيها !
ـ المراقبة: أوقفي هناك لو سمحتي ،،
ـ خلود: بس لازم أعرف ليش !
ـ المراقبة: كذا بدون سبب،،
ـ خلود: طيب خلّي الشنطة طالما بدون سبب ،،
ـ المراقبة: ما شاءالله ، إش ذا ! ميك آب ! ونوتة أرقام ! أنا ماعندي زيها !
ـ خلود: أبله ما أسمح لك،، سيبي الشنطة !!
ـ المراقبة: بعّدي إيدك ! أبعدي !
ـ خلود: لأ ما حبعد،،
ـ المدرِسة: بنت احترمي نفسك ! عيب،،
ـ خلود: طيب ليش ما تفتش الباقي، ها !!
ـ المراقبة: شكراً يا أبله ،، تعالي إنتي معايا،،
ـ وفي غرفة المديرة،،، وي وي وي لو تدروا إش صار ؟؟!! ـ
ـ يـتـبـــــــع ...
ـ تأليف وتقديم/ ملكوتي
10-13-2010, 11:09 PM
(قلوب بين الشموخ والإنتحار) ج1
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ