[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ما كل من يضحك بدنياه مسرور=لو ضحكته دايـم تحـرك حجاجـه
وما كل من يبكي من الناس مقهور =بعض الدموع رخاص من شان حاجه
وما كل صادق لو حكا لك من شعور =يا كثر من زيف المشاعر خراجـه
وما كل ما يخفى من السر مستور =بعض الوجيه أبين من أرهـف زجاجـه
وما كل بيتٍ بابه انصك مهجور =كم بيتٍ اطفـا الشـح واهـج سراجـه
وما كل وردٍ تزرعه ينثر عطور =لو ماه صافـي مـا يخالـط هماجـه
وما كل مرهف قلب لو يزرع زهور =قلب يحب الورد وهو مثل صاجـه
وما كل من يخطي من الناس معذور =البعض يخطي من علوم العواجـه
وما كل من يسكت على الضيم مجبور =لجل الغلا ساكت ويدعي انفراجه
وما كل راسٍ ضيع الفكر مسحور =كم راس سحر الحب جـاب ارتجاجـه
وما كل علة فادها طب دكتور =كم من عليـلٍ وصـل خلـه علاجـه
وما كل من شاور حكيمٍ خذا الشور =بعض البشر مـا يقنـع الا مزاجـه
وما كل من سمي صقر يشبه صقور =كم من صقر وقت الشدايد دجاجه
وما كل فزاع لجل مدح مشكـور =البعـض مرجلتـه وسامـه وتاجـه
[/poem]