استأذنك بسافر ايام واجيك
واذا طالت ايام السفر لا تحاتي

حتى ولو طالت ماني مخليك
يالي بدونك ويش تسوا حياتي

تآمر على حاجه ؟؟باودعك واليك
عسى عوض الايام في المقبلات

حتى يدي ماودها تفارق يدينك
ساكت وانا اشوف البلاء في سكاتي

ماشفت لارحت منك التفت فيك
بلاااي والله روحه والتفاتي

لكن قبل اروح ودي اوصيك
وانت الوحيد اللي يقدر وصاتي


لا حد سالك وقال لك وين مغليك
قل له لوازم لا قضاها بياتي

ون طروا النسيان ماني بناسيك
طيفك معي وانا في صلاتي

قلبي وهو قلبي اذا مر طاريك
لو لا ضلوعي كان عزوا مماتي


لو حض صدري كان يمديه ياتيك
ويبات عندك ويهنا بالمباني

انا وقلبي والغلاء ساكن فيك
وانته وقلبك والغلاء وسط ذاتي

غلاااك مثل الحكم عند المماليك
اكبر طموحي لا كل امنياتي


شف في غيابي اي حاجه تسليك
لاني بعدك اسلي مع ذكرياتي

احاول اذكر اي شي يطريك
واقول هو سوى وانا ذي سواتي

كني موادع كل شي حواليك
وكني حسبت حساب حزه وفاتي

احسب لاني ما اقدر انسى وابيك
ولا اقدر اخليك ياللي تحاتي

معنى احب وما اقدر انسى واخليك
يعني بدونك وش تسوى حياتي.

وكل عام وانتم بخير2010/3/25بداياتي.
ونا هناء اودعكم على امل لقياكم
دمتم بخير.......برنس.

__________________
[flash=http://dc03.arabsh.com/i/01929/8i58mqfvlmd2.swf]WIDTH=550 HEIGHT=450[/flash]