يا دار ترفين الصبا وين خلي
وين الغضي يا دار خلي وشوقي
دار به الأرام ترتع في فلي
مربى الضيحي لي جماله يشوقي
ياللي عليه الدمع ما يضمحلي
همال على الوجنات ذارف دفوقي
باهي المحيا لي حزيزه يسلي
أهواه لو تزعل جميع الخلوقي
يا طير ود عالمعني وخلي
ود الخبر لديار حلو صدوقي
لي عسس الليل بظلامه وحلي
جد السفر من قبل طلع الشروقي
لديارهم يا طير شل المثلي
من خاطري لصويحبي ومعشوقي
قله تراني فالهوى مستعلي
وان طالت الأيام يزداد عوقي
أود شوفك يالغضي لو حصلي
واقدم تحيات من قلب شفوقي
واسامرك يوم الخوالي ذهلي
واتبادل وياكم عهود وثوقي
يوم القمر نوره علينا يطلي
والنوم ذالت به جميع الخلوقي
والكوس نسماته نسيم يسلي
يسلى به القلب الصويب الشفوقي
07-18-2010, 08:51 PM
Similar Threads
Threaded Mode