لالا تظن انساك ان غبت عنّي

ولا لا تظن ان غبت عنك انا انساك

دامن قبري بالوطى ماحضنّي

ابقا ابيك واعشقك واتمناك

يسوقني لك شوقي الي يحنّي

سوق السحاب الي سقاك وتعداك

مافيه غيرك لانظرته فتنّي

الا القمر لنه خذا من حلاياك

ونجمات تلمع ظــنهن افتــننّي

ما يدرن ان الكون كله فداياك

يفداك يالي ماخذ الروح منّي

اخذتها وحطيتها مع هداياك

ملكتها ومافيه غيرك ملكني

سلمتهالك غصب عني بيمناك

لالا تظن انساك ان غبت عنّي

ولا لا تظن ان غبت عنك انا انساك