قصيدة للشـاعر / فرج بن سالم باعنس

قصيدة للشـاعر / فرج بن سالم باعنس

ياللــه يــارب يامــن تــرجـّـاك مــاخــــاب

يامنــزل الغيـث مـن عـالـي ســحـائـبــهـــــا

ونـّات في خاطـــري من جـمـلــــة اســبــاب

ونــّــات وسط الجوف ذي تشـــعل لهائـبهـــا

دنيـــا غريبــه وفـيــهــــا العيــش مـاطــــاب

وفي كل سـاعه وهي تـكـثــــرمـصـائبــهـــا

تـفـّـرق كل ماتجـمـــع ودائـــم في تــقــلاّب

ياكـم بانعيش في الدنيا وبانشاهد عجائبــهــــا

من لامعه قرش في يده شفه في شد التعـــاب

اللــه يعـيـنــــه علــى الــدنيــــا ونائـبــهـــــا

لاحــد يـــوده ولاحـــد مـنـــــه مـهـتـــــــاب

دائم يشوف العــداوه ولايعـرف ســـبائـبـهـــا

لاحد يــزوره ولا لـه مــودّه عنــد لصـحــاب

وان كان حاضـــر حضـوره مثـــل غائـبـهـــا

وان قد معك قرش في يدك تلاقي كل ترحاب

بيقـــدرونك صغــار القـبـيـلــــه وشائـبــهـــا

محـبــوب مرغـوب من ربعـــك ولجـنــــاب

وتنســب لك الجــودات حتى منت صاحبهـــا

ونســبولك وقالـــوا نســـابك غيـر لنـســــاب

محسوب من خيرة القـوم منته من نشائبـهـــا

وجابــوا لك الفيــن من الاســماء وللقــــاب

وقــالـــوا أفـــلان لاشـــتــدت يفرجــهـــــا

يالـلـــه يــارب يامــن ترجـــاك مـاخــــاب

يامنــزل الغـيث مــن عالــي ســحائـبـهـــــا