ثلاثه شهور لاهِبه ولاشبه ولاقيفان
وانا والله على ماقيل صاحب كار ومعاني


وش اللي غيب امهار القصيد وخاطري ميدان
وطرفي لااظلمت ماطاح له رمشٍ على الثاني


كبرت او هو(علي السبعان)ماعاده(علي السبعان)
تغير وانتقل في داخله حلم ونسى الجاني


احط ايدي على ضلوعي.. مكان النبض والايمان
ولا القى النبض هو الأول ولا إيماني هو إيماني


أطالعني وأعاتبني وأدور لي/ على برهان
ألاقي كل شي حولي ومن حولي ولا القاني


وانا ماالله خلقني للعقال وجوخة القيطان
أجي واقفي كذا.. كني كمالة عد لاخواني


أبي فعلٍ يقول اللي يشوفه ذي فعول(فلان)
ولد والا تلدوالا بلد ويصير عنواني


يقولون اللسان حصان.. عز الله صحيح حصان
وانا ماهو مغربلني سوى ان حصاني لساني


تعدتني(كديش الخيل) والرجلي سرى طربان
وأنا من الظل للظلما واقول لساني حصاني


وهذا آنا بلا شهره ولا ثروه ولا ديزان
على تصفيقة الإعجاب اهيجن جوع قيفاني



الشاعر/علي السبعان العسيري

__________________
[align=center][flash=http://dc02.arabsh.com/i/01935/0lji3zf27uke.swf]WIDTH=440 HEIGHT=220[/flash][/align]