عزي باارضي دي يحلوها النشام=تسواء خليج اهله وارض الغرب والشامي

السلام عليكم ورحمة الله وبركاته
اخواني اعضاء وزوار منتديات خوره الجميع يطيب ليه ان اكتب هذ القصيده
التي نظمت ابياتها يوم الاحد تاريخ 25/5/2008م اتمنا تنال
اعجابكم من اقوال ولدكم واخيكم ناصرعبدالله ناصربن لزنم
اتركم مع القصيده

[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياطارشي شل التحيه والسلام=اجمل تحيه واجبه وشعار لسلامي
قم شلها من عسكري ساهر وزام=وسرع على باالرد تلقاني على زامي
اباك تبلغها لربعي دي نيام=وقلهم بوفهد طول الليل مانامي
كوده يجيه النوم لاالساعه تمام=السادسه والنصف لايحلم بقدامي
وبعدها ثارت همومه والحلام=لاجاء يبا يرقد طلع كابوس وحلامي
كذاحياته دي عزوبي مايلام=والمغترب دي في نكد ماعاد يلتامي
مظلوم من ربعه ومن شوف المدام=ورضه عزيزه مابلاد الغير مادامي
شياب راسي يوم حطيت البهام=على شروط العسكره صوبي من ابهامي
محسبتها من قبل غرونا الغشام=كنت احسب ان دي قبل ماحدفيهم اغشامي
ثره معي كمن مشنب له مقام=طرح بجنبه ونزقل واليوم ما قامي
ونا معاهم ياهيامي با الهيام=قده مقدر لي قدر من جيز من هامي
خليت خورة وهلها واهل الكدام=غبني عليك اليوم ياخورة ولكدامي
عزي باارضي ذي يحلوها النشام=تسواء خليج اهله وارض الغرب والشامي
لوخيروني ان فرقها اوعدام= مختار غير ارضي وفيها يصدر اعدامي
في حبها مغرم جنن عقلي وهام=ايوالله انه حب ماهو كذب ووهامي
حب المولع قيس في ليلى غرام=من بعد ماماتت جنن من كثر لغرامي
ونا مثيله صرت حطمت الرقام=على بلادي في العشق حطمت لرقامي
الحب دي في القلب يبديه الكلام=ربي علم با السرمهما اكثركلامي
هذه نصيحه والنصايح بنتظام=لانته تبا مني نصيحه طبق انظامي
احذرتعادي خوك اوجارك حرام=وحذرتساعف شلت الشيطان لحرامي
خلك مع اهل الجود وعيال الكرام=شف مايدانون الرذل اعيال لكرامي
شف الكرم والجود ماهو با العمام=خذو كلام الصدق ياخوتي وياعمامي
وياعيالي طبقوها بالتزام=حسن الخلق والدين يلزمنا تلزمامي
سعيد من زكاء ومن صلى وصام= وداء الفريض الخمس هي والحج وصيامي
وختم صلاتي ماشرقت بعد الظلام=على نبي طاهر نقي ماهو بظلامي

وســـــــــــــــــــــــــــلامــــــــــــــــــ ــــــــــتكم[/poem]