هذه القصيدة من الأمير سلطان بن خالد السديري بعد زيارته لليمن




زرنا اليمن ياذعار والطيب زرنـاه .... وشفنا الذي مرباه في منقع الطيـب
زرنا اللواء والجود بالعيـن شفنـاه .... شيخٍ رقى بالطيب روس المراقيـب
صافي الجناب اللي خذاهـا بيمنـاه .... زودٍ على ورث الشرف والمناسيب
عزٍ قديـم وعـزّذا اليـوم يبـزاه .... و عزٍ توشح به وعزٍ لـه مجيـب
مهما كتبنـا مـا نوصـف مزايـاه .... منك السموحه ياعطيب المضاريـب
أنت الوفا والطيب والجود والجـاه .... وأنت العزيز اللي بعيدٍ عن الريـب
وضفنا رجالٍ تفعل الطيب مشهـاه .... وشفنا الكرم يسكن بروس الشناخيب
هاك الرجال اللـي غترهـا ملـواه .... من فوق روس مطوعين الأصاعيب
غالب وبن لحمر وابولحوم ضفنـاه .... وضفنا ولد ناجي حصان الأطاليب
ثم انتحينـا للسهـل طـاب ملفـاه .... دار الرجال اللي تخطف الأجانيـب
في سهلةٍ والضلع من غرب يبـراه .... وفيها خطفونا بالكـرم والتراحيـب
وادي عبيـده غايـة اللـي تمنـاه .... دار الرجال اللي تفـك المناشيـب
يامالفاهـا مـن رجـالٍ مجـنـاه .... واستامنت من ضرب حد المحاديب
وهيلان فيه أهل الوفـا والمـراواه .... جدعان فيها الطيب ورث وتواهيب
يوم القشر وان صار مابه مـراواه .... حرابهم راسه من فعولهـا يشّيـب
وضلع السحل للخير منهو تنصـاه .... يلقى ولد نمران عطـب المخاليـب
كم واحدٍ جاهم عقب تاهـت اريـاه .... وضاقت عليه فجوجها والمذاريـب
طابـت مواريـده وشـره تعـداه .... وعقّب الكدر يشّرب عذي المشاريب
هذا اليمن ساس العرب عاش بحماه .... كل أبلجٍ مجناه هـاك المهاضيـب
هذا اليمن وان جيت فدناه واقصـاه .... تلقا الوفا والطيب راس العذاريـب
مني عليها عّـدْ مـزنٍ نثـر مـاه .... وذرت شموس وهايفت للمغاريـب
ازكـى سلامـي والتحايـا مثنـاه .... يادار لي فيها عـروق ومجاذيـب



و هذه الأبيات جواب من الشيخ علي القبلي نمران على الأمير سلطان بن خالد السديري



يامرحبـا ياخـط شـيـخٍ قريـنـاه .... مرحب مـرادي ياعزيـز المكاتيـب
حيا بقـول الشيـخ والشيـخ حيـاه .... مرحب شرف يابن السدارى المشابيب
شعب اليمن رحّب من اقصاه لقصـاه.... فرحه بمقدامـه وطربـه وترغيـب
رحب بضيف العـز والعـز مبـداه .... شيخاً ولد شيخاً خليـاً مـن العيـب
راكب سروج الخيـل كمـن مسمـاه .... خمص البطون مدلـلات المراكيـب
ارحبت يابن العم ترحيـب نرضـاه .... سلطان ابوخالـد نثنـي المراحيـب
ساسي وساسه ساس مجنـاي مجنـاه .... أسعد وزايـد فـي نسبهـم أقاريـب
بيـن الدواسـر والمـرادي مخـاواه .... قرباً قديمـه مثلمـا الزيـر وكليـب
تاريـخ يعرفـه المحنـك ويـقـراه .... ويدري به أنه علـم مافيـه تكذيـب
امير جانا اليـوم مـن قبـل جينـاه .... أهل الكرم وأهل الوفاء والمواجيـب
أبـوه قبلـه جيـد بالجـود ربــاه .... على الوفاء قرماً عظيـم المواهيـب
مـلاذ للمحتـاج رحبـاً لقـصـراه .... له في سجل المجد واهلـه مكاسيـب
والجيد يـدي جيـد مثلـه وشـرواه .... وترقا في العليا هل الفطـر الشيـب
حيا بذي عنـدي طبـع فلـم ذكـراه .... ياشاعرٍ جاب البيـوت المخاصيـب
شيخاً سنام المجـد لـه فيـه مرقـاه .... من طبع جدانـاه حمـات المطاليـب
مياتهـم فعـل المـراجـل تـعـداه .... رجال ماتخضـع لهـز المشاعيـب
من مارب التاريـخ ياهدهـد أنبـاه .... بلـغ رسالـة رد مافيـه تشطـيـب
لا نجد ذي يبنـو حضاراتـه ابنـاه .... وتجاوزو تاك السنيـن المصاعيـب
زؤس العرب وأهل السيوف المهنـداه .... لبن السديري سلـم الـرد والطيـب
مـع التحيـه لـك وللربـع مهـداه .... كـل ابلجـاً حـراً ذري المناجيـب
اهل الكرم ذي تحسب البخل مـزراه .... ذباحه ٍ للضيـف عـوج العراقيـب
بلـغ سلامـي والتحـيـه مـزكـاه .... لخـادم البيتيـن عالـي المراتيـب
مـع ولـي العهـد كتفـه ويمـنـاه .... مطوعين أهـل القـرون المراجيـب
خـدام بيـت الله وتبـاع رســلاه .... اولاد أخو نـوره عريـق المناسيـب
ونعمك هل العوجا مضاويـح دنيـاه .... ملجأ ومقصد مـن عليـه النواييـب
وأختم بمن ذكره فـي القلـب صفـاه .... شفيـع لّمـه مـن نيـار اللواهيـب

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]