اعتذر منه وارضا من الزعل قبل اجيـه

للشاعر

((خالد مطلق الردادي))






ياعصافير .. مدري. ! وين اروح اشتكيه

صاحب من عرفتـه ماعرفـت المنـام


ياعصافير احبـه . (حسبـي الله عليـه)

لاتركنـي انـام .. ولاتركنـي ونــام


أااااه .. ياني تعبت من السهـر احتريـه

كـل ماهتّـزّ كتفـي فـزّ جفنـي وقـام


ياعصافيـر والله انـي امـووووت فيـه

فوضـوي مرتّـب بعـثـره بانتـظـام


اعتذر منه وارضا من الزعل قبل اجيـه

ويحضننه عيونـي قبـل اقـول السـلام


صدقيني بغيت البارح ازعـل عليـه.. !

بس كنه وحشني ..! وصار فيهـا كـلام


ياعصافيـر حتـى دفتـري يشتهـيـه

كن بينـه وبيـن الشعـر حالـة هيـام


كل سطر يتمنى اكتـب اسمـه (عليـه)

وكـل صفحـه تهنـدم للقلـم باحتـرام


ياعصافيـر واللـي بالسمـا نرتجـيـه

انهـا عيطمـوس مـن رجـال عظـام


بنت شيخ تخاف الشمـس تشبـه يديـه

لاشرق نور كفـه طـاح حيـل الظـلام


يخجل الشعر فينـي منـه قبـل ابتديـه

والحروف تّعّذر عن حروفه صيـام ..!


ياعصافير .. مثلـي لاسكـت اعذريـه

دام منّـي قصيـدي لابـكـا. مـايـلام


يكفـي انـي ابيـه ولاابيـه وابـيـه ..

وهو يبيني وبينـي وبينـه الليـل حـام


ياعصافير مـدري ..! لاتقوليـن ليـه.؟

(السـلام عليكـم وعليـك الـسـلام )





دمتم سالمين

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]