السلام عليكم ورحمة الله وبركاته


... ارحبوووووووووووا يالله حيّهم ...


.. قصيدة جميله جدا مما راق لي ..

للشاعر العذب \ متعب فهد ...




البارحه يا ناس جاني اتصالين
وشلون مدري كيف مدري تراني

اول ما جاني الرقم رصيت (00)
ما كان قصدي بس شوقي خذاني

ورديت متلخبط وانا خاطري زين
رديت متردد تلعثم لساني

قلت : الهلا يا زين اهلين واهلين
وشلون حالك يا عساك وعساني

ابخير في عالم يسمونه الفين
زود ٍ عليها سبع ما هي ثماني ..

قال : انت وش توّنس انا عمك حسين !!
وش فيك تحسبني انا انسان ثاني ؟

قلت : العفو يا عم (sory) ومخطيّن
ضيّعت رقمك مير حظي رماني

كنت احسبك يا عم (سيد المزايين)
بالمختصر يا عم (سيد الغواني)

لكن ترى ذا الرقم يفرق برقمين
استر على اللي صار تكفى عشاني

قال: انت ما ينفعك طب ومداوين
سابح مغبه في هيامك تعاني

وقال : انت يالماخوذ بعطيك كفين
قلي : وش الي صار واهرج ثواني

قلت : العفو يا عم بكتب دواويين
ما تكفي اللحظات حب ٍ خذاني

قال: الزواج وقلت: كافي من الدين
سيارتي يا عم قسط وكفاااني

والبارحه يا ناس عشت الامريّن
كنت احسب اللي دق خل ٍ جفاني ..


.. وسلاااااااااااااامتكم
اخوكم ابوخالد