أعيون سوداء ورمش العين صنعاني ..
بسم الله الرحمن الرحيم
هذه قصيده للشاعرطالب بن حسن باتيس
طيب الاصل
قال المعنى زعل نومي مـن اعيانـي وامسيت سهران دير افكـار وهميـه
ماجاني النـوم والمحبـوب ماجانـي ماجاني إلا خـلاف اسمـه وطاريـه
ليلة طلع في السماء بن سبع وثماني واشرق بنوره على حـي العزيزيـه
هاجت شجوني وهز الشوق وجدانـي واشتقت لك شوق جم ياطيـب النيـه
يامن جمالك وحسنك عجـز السانـي من حوري العين تسوى مئية حوريه
سبحان ذي صورك في هئية انسانـي وانته مـلاك البشـر تحكـم بحريـه
انته ملك في نظر بوراضـي الثانـي تحكم وترسم بدون اجيـوش حربيـه
تحكم قلوب البشـر بأسلـوب فنانـي فنان في الذوق لـك موضـات فنيـه
ذواق فعـلا وذوقـك ذوق لبنـانـي كأنـك بلبنـان عائـش والسعوديـه
ياطيب الاصل نعم الاصـل قحطانـي عربي النسب والحسب ولغتك عربيه
لك جعد هندي ملـون عـدة الوانـي سبحان ربي عطـاك اجعـود هنديـه
وتقول شلال جـاري فـوق لمتانـي شلال داجـي وفيـه امـواج بحريـه
واعيون سوداء ورمش العين صنعاني لك رمش يمني ولك عينيـن نجديـه
تفتن بها الناس طرفك طرف فتانـي كل من شخلته يمـر بأزمـات قلبيـه
والخشم منصوب كأنه سيف رومانـي مدتـه مـده وحـده حـد جنبـيـه
واخدود حمراء طريـه ورد ريحانـي داخـل بساتيـن مكنونـه ومحميـه
والثغر فيه العسل مشنـون جردانـي فيه الدواء للكبـد وامـراض مخفيـه
كلما تبسمت يبـرق بـرق رشانـي تحسبه بارق برق في راس منشيـه
والعنق مهيـاه كانـه ريـم جفلانـي مرصوع رصعه ذهب واحجار ماسيه
والصدر بستان فيه احبـوب رمانـي والبطن طاقه حريـر الهنـد مطويـه
والخصر تلتف عليه الخمس ليمانـي والعجز سمبوك رسى فـي شواطيـه
واقدام بالنقش مرسومـه وسيقانـي كل ما دحق في بلد غبراء ضوت حيه
والطول والـوزن مايحتـاج ميزانـي موزون جسمك طلع ميه علـى ميـه
يحماك ربي مـن الحسـاد والشانـي من عين عيّان ماصلى علـى نبيـه
ياكلمل الوصف لك باسـرح العانـي بعطيه لك مهر ماواحـد دفـع زيـه
الماس رورسي وبلجيكـي وعثمانـي يسـوى ملاييـن دولارات نقـديـه
ومن الذهب مايقدر به ذهـب غانـي عشـره قناطيـر مشغـولات هنديـه
واربع تريلات فيها الـزي لسبانـي كـل الموديـلات شرقيـه وغربيـه
زايد ثنعشر كـروزر جيـب يابانـي زايد ثنعشـر همـر بأرقـام دوليـه
مسموح تمشي بهن في كل لوطانـي من دون تحتاج شي رخصه وملكيـه
ومن البنـادق ثنعشـر وارد المانـي زايد ثنعشـر كلاشنكـوف روسيـه
هذا لوالدك وامـا الخـال لـه ثانـي بعطيـه سـوق العروبـه والعقاريـه
وانته لك الحكم عالقاصي وعالدانـي بلقيك في قصر لـه برجيـن محميـه
محمي بعسكري واجيوشي وفرسانـي قـدام بابـك ثنعشـر طقـم دوريـه
يحمون عرش الولايه طول لزمانـي واما الخدم والحشم من كـل جنسيـه
مصري وهندي وبنقالـي وسودانـي واشكال والـوان عربيـه وعجميـه
والختم صلوا على احمد نسل عدناني صلاه تغشى ضريحه صبح وعشيـه
08-01-2009, 02:35 AM
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ