احبتي الاعزاء
اسعد الله جميع اوقاتكم بالخير
هذه الرائعه للشاعر جمعان بن شرثان
قصيده تستحق القراءه والوقوف عليها كثيرا
سمعتها مرارا واليوم ارتأيت طرحها لكم هنا
اتمنى لكم قضى امتع الاوقات معها
العب بالابيات لعب ابليه بالكوره
والشعر عدت بحور وغصت انا بحوره
وان كان به فلسفه للشعر بتفلسف
با قول شعر يخلد بعدي سطوره
احساسي ان الشعر دوله وحاكمها
انا زعيمه وساكن افخم قصوره
وشفت القصيده حبيبه لي وتعشقني
تسكن معي في القصر بالحيل مسروره
والابيات عندي خدم بالامر تاتيني
لا احتجتها جات منهيه وماموره
وكل شطر يحاول يسبق الثاني
مع انها كلها قدمي وفي الصوره
وكل كلمه تعاند مع خويتها
والثانيه خاصمت لولى ومقهوره
وما فيه حرف من الاحرف يعاندني
لحرف طوابير كل يحتري دوره
والنقاط ما دلت حرفها من الدهشه
ضاعت من حروفها دهشه ومذعوره
وفكري كما الكمبيوتر هو يبرمجها
كل المعاني بوسطه دوم محصوره
وناضرت انا ساحة الشعار مستغرب
اللي على الشعر له سلطه وله شوره
حاس الجمل كلها وغير مواقعها
جمل رفع حطها باليا مجروره
وجاب احرف بجمله ما لها خانه
وعنوانها ارخاه حطه باسفل سطوره
لكن مهما تغير داخل الساحه
كل الحقائق عرفناها ومخبوره
شعار وفحول جزلات معانيهم
لكن هذا الفحل قد غاب جمهوره
وفيه شعار يدبل شعرهم كبدي
تقول ورعان وتشخبط بسبوره
وان ما اكتبوا زين واجتهدو بنفصلهم
والمشكله بعضهم شعار مشهوره
واشره على كل من ينشر قائدهم
وهذا يبين لنا الاعلام وقصوره
الاعلام ناسي فطاحل ما درا عنهم
متجاهل ابداعهم ما اهتم بظهوره
عصر غريب ووسطه عالم اغرب
والاغرب اني بجيل ما افهم شعوره
عايش بعصر ولكن ما هو بعصري
عصري مضى له سنين وولت دهوره
مضى مع المتنبي والحمداني
وبشار الاعمى وابي نواس وخموره
ولو كنت من جيلهم حطيت لي بصمه
وحليت لي مشكله في الكتب مذكوره
المتنبي وسيف الدوله اصلحهم
وماكاناحمد عرف مصر وكافوره
وكل المشاكل تحل ببيت من شعري
والحمداني فبيتي يزين منظوره
ويصير ابو الطيب اقرب له من ظلاله
وابو فراس يخيب وتكثر عذوره
هذه اماني وانا ما ني محصلها
اطلب لبن للاسف من عند عصفوره
وكنت اتمنى اعيش بعصر يسبقهم
عصر الجهل ولت اسنينه مع شهوره
مع امرؤ القيس والاعشى وابي سلمى
واعيش وسط الجهل واتزعم عصوره
واعيش انا بينهم جاهل ومتعلم
اجهل انا في الردى واغيب في حضوره
جاهل ما نافق ولا اتجاهل بني عمي
رفيقي اعزمه ما قصر اشبوره
واجهل بهرج القفا والحقد والنمه
وناس تسب بقفاي اقول مشكوره
من سبني او غلط ما قول له جابه
وان زود الهرج انا لعنت طابوره
ومتعلم(ن) المراجل من صغر سني
من شايب الكرم والطيب دستوره
بغير السالفه واحكي لكم قصه
قصه جرت لي مع حلوه وسنيوره
احبها وهي تفاخر بي وتتباهى
ومن حقي احبها والبنت معذوره
لكن هخالبنت تعشق من يقابلها
وكم ناقص بكثر ماله جات في زوره
ووالديها انا عجزت لا احصيهم
لكن ما فيهم اللي وافق ازوره
خطبتها من ثلاثه منهم وعيوا
وزوجوها لخبل تقصر شبوره
والناس راحوا مع هالخبل في صفه
وقلدوا هالخبل في اللبس وعطوره
وفي النهاية اخذت البنت بالقوه
وعيشتها في الحياة وقبل مقبوره
وعشت جنب الخبل والناس تعشقنا
والبنت عاشت معانا بس مسعوره
تعشق ولا تفرق المسلم من الكافر
ويشهد عليها الولي ما هي بمستوره
واللي انا استغربه انثى تعشق انثى
من ضمن عشق البنيه ساره ونوره
ومابه غرابه وزيد يحب حمودي
وحمود ما ينقصه يا كود تنوره
اوضاع بعض الشباب اليوم مختلطه
من بعد خلطه سكن عكسه بمالبوره
الناس راحت قدم يا معشق الريوس
توقع بموترك فقعت ماطوره
هدي امورك وانا باحاول اهدي
وبنهي القصيده قبل لا تصير محضوره
ومعلقات الشعر كتبت ثامنها
من بعد سبع قديمات ومعموره
وان كان شعري هياط اف ايه باهايط
واقول وافعل ولا نفسي بمغروره
مع خالص حبي وتقديري
__________________
حين ابتعدت .....
لم يكن إلا ليعلم الجميع بإني أجيد الترحال في حضرة
العقـول المتحجرة
06-27-2009, 01:06 AM
المعلقة الثامنه
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ