السلام عليكم
افتح شبابيك الهوى جيتك اليوم
@@@@@@@@@@بحساس من زود الوله عده ايطير
جيتك مثل طفلٍ له ايام محروم
@@@@@@@@@@عن حضن امه بعدته المقادير
وجيتك مثل عودِ له ايام مهموم
@@@@@@@@@@وده يلاقي باخر الوقت تقدير
وجيتك حضن عاشق وهايم ومغروم
@@@@@@@@@@وده يضمك لين تصبح على خير
متى تحس ان الهوى شي مقسوم
@@@@@@@@@@من قسمة الخالق على خلقه يصير
ومتى تحس اني لك اطيح واقوم
@@@@@@@@@@واتعب على شانك واقدرك وآغير
لي في هواك احلام وامال وعلوم
@@@@@@@@@@واحزاب واصحاب وقصيد وجماهير
وهموم وافكار وهواجيس وحلوم
@@@@@@@@@@وادروب واخطار وعذاب ومشاوير
وحب وغلا واخلاص ومعاند ولوم
@@@@@@@@@@واحساس والهام وشعور وتفاكير
وصحبة سهر ومقاطعة لذة النوم
@@@@@@@@@@واشواق جياشه وعشق وتعابير
في ذمتك مابان لك شي مكتوم
@@@@@@@@@@من بعد ماصورت الاوضاع تصوير
لاتحسب انك شي عابر ومعدوم
@@@@@@@@@@وتاريخ حبك فاق كل الاساطير
في كل شي اتخيلك واسمعك دوم
@@@@@@@@@@واتأملك في الوقت الأول ولآخير
من ماضي الأيام ليومك اليوم
@@@@@@@@@@وغلاك عندي ماحصل فيه تغيير
وانا لك الله مأقبل البيع والسوم
@@@@@@@@@@ولا ارضى علي ولاعليك المخاسير
لاْني الوحيد اللي على بحرك يعوم
@@@@@@@@@@واللي عرف مرساه في رحلة السير
لحظه حبيبي قبل يسبقني النوم
@@@@@@@@@@بضم صدرك لين تصبح على خير
كل التحيه للجميع
06-02-2009, 08:16 PM
افتح شبابيك الهوى
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ