[poem=font=",6,blue,normal,normal" bkcolor="transparent" bkimage="" border="double,5,sienna" type=1 line=0 align=center use=ex num="0,black""]
[القصيدة الثانية
الدياني خوره @






يقول القيل ابو رائد انـا شاعـر وانـا فنـان=
= سمعت الصوت واتخبرت وقالو نـاس فنانـه

وقلت الليـل يلهاجـس ذلعبـره وذالميـزان=
= انا بنزل في السمره وانـت الدلـو والزانـه

وبالسمر مع السمارعلى ذالصوت دي رنـان=
= وصوت العبد يعجبني معـه لصـوات رنانـه

وبالقضي معه ليله على صوت الطرب والدان=
= وعـاد الليـل لا دوج يحلـى الشعروالدانـه

ابورائد انامشتاق لعـزف العـود والا لحـان=
= على لوتار بتنسم وبـا دنـدن علـى الحانـه
=
كحيل الطرف عذبني بذاك السحرفـي لعيـان=
= سلب عقلي وخلانـي اسيرالرمـش واعيانـه

ظريف الطول والقامه وله شامه على لوجـان=
= سواد الليل في جعده ولون الورد في اوجانـه

صغيرالسن قابلته وقلت الاصـل والا وطـان=
= وقال الجنتين ارضي نبـع الخيـر واوطانـه

حيث الغيدذي ترعى وتقطف من ثمر لغصـان=
= يطيب العيش لي فيها بيـن الليـم واغصانـه

ونسلي نسل عدناني واهلي من عرب شجعان=
= عزالضيف لاجاهم وفـي الميـدان شجعانـه
=
يحبون الكرم والجود وفيهم خيرت الفرسـان=
= ولاهم للوطن صادق وهـم امنـه وفرسانـه

وقلت اليوم يكفينـي قبالـك انـت يـا فتـان=
= انت القصد والمقصود يا مولى اعيـان فتانـه

انت البرق والناوه وانا المسكين ذي عطشـان=
= وانت الرعدوالماطرتـروي قلـوب عطشانـه

وانت البدرفي ليلي يسامرنـي وانـا سهـران=
= يوانس غربتـي نـوره دام العيـن سهرانـه

وانته جنـة المـاوى فيهـا العطروالريحـان=
= وانت المسك والعمبر فـي عطـره وريحانـه

وانته الحب والاخلاص وحبك لي من الايمان=
= ومن حرم علي وصلـك فقـد دينـه وايمانـه

قضيت سنين من عمري بلهيب الشوق والنيران=
= تكويني وانا صابـر علـى شوقـي ونيرانـه

وهذا الوقت عذبني ودمعـي علوجـن شنـان=
= وقضي الليل في الغربه دموع العيـن شنانـه

وقال الخل يا سيدي ليـش الهـم والاحـزان=
= ليش اليوم با تشكي همـوم القلـب واحزانـه

انت اليوم في ارضك بيـن الاهـل والخـلان=
= اعط القلـب مـا فاتـه بيـن اهلـه وخلانـه

وختمها بذكراحمد شفيـع النـاس بلاحسـان=
= نهار الخلق تترجاء كريـم الجـود واحسانـه


منـــــــــــقول من شاعرنا ابورايد[/poem]

__________________

ابن الجنوب


abduallh1983@hotmail.com