ياصاحبي مافادنا كثر الاحلام
والي بخاطرنا عجزنا نطوله
ماتت امانينا على كف الايام
حكم القدر فارض علينا ميوله

نمشي لورا والوقت يمشي لقدام
ضعنا وضيعنا كلام نقوله
تعبيرنا ماضمته روس الاقلام
تكسرت كل الحروف بسهوله

طيف السهر في نظرة العاطفه حام
يرمي شباكه للعيون الخجوله
نسهر وتسهرنا مقادير الاعوام
ودروبنا متفرقه ومعزوله

العمر ولى والبخت طاح ما قام
الحظ وقف والليالي عجوله
نصبح على هم ونمسي على اوهام
ضيم الدهر بالدرب نوخ ذلوله

باحلام عشنا وافترقنا بالاحلام
نحلم ونحلم من زمان الطفوله
ياصاحبي مافادنا كثر الاحلام
حكم القدر فارض علينا ميوله

__________________
[flash=http://store2.up-00.com/2015-09/1441923575221.swf]WIDTH=446 HEIGHT=285[/flash]
المنتدى هذا لى غبت عنه
يردني طاري غلاه لياليه
يا ما خذا مني وأنا وأخذت منه
كل الغلا شف عاد وشلون اجآزيه