عضو جديد وقصيدة جميلة...........

السلام عليكم انا عضو جديد وجايب لكم قصيدة رائعة

هذي القصيدة للشاعر المتميز عامر بن عمرو
قالها في الحلقة الاخير من شاعر المليون الموسم الماضي
والقصيدة ذي قالها وفاء للشعب الماراتي الطيب

الله اكبر والشعر كوكب تعج بة الاثارة
وبحر نسمة هاديه لا هزهزت جايز تثيره

والغلا فطره ولاحن الغري بالحضن كاره
من يلومه والطيورتحن للروض وعبيرة

والمحبة ما تجي بالهيمنة ولا الشطارة
انفس وربي فطرها ذا عشير وذا عشيرة

الغلا للشي عند الشخص ضد له ثمارة
كثر ما هي تشربة عينة وترعاه البصيرة

والفتى لا من ربى في دار لو ماهي بدارة
من يلومة للو لهاب جدار قلبة خط سيرة

دار يغليها وهو عادة طفل يزفر طهارة
من قبل لا ينفتن في نورة ويفتن منيرة

دار يعشقها امارة ثم امارة ثم امارة
ثم امارة ثم امارة ثم امارة والاميرة

بو ضبي ولها الغلا وا تحتوية ابلغ عبارة
كل حرف في مفاتنها يحس الشوق سيرة

من طباق واشتقاق وسجع وفنون استعارة
اغرق الصوره وصورتها على الصوره سفيرة

يا ابجديات الغرام وجنتة واعذب نيارة
لك معي ذكرى ولك عندي سواليف كثيرة

من شناط المدرسة واطفال تلعب وسط حارة
لين شطحات الصبا في بر دبي وجو ديرة

والشلل والطيش والسهرة على عود وزقارة
وتءتءات الليل في كانون والبرد وصريرة

والصخب في زاوية مقهى تعفربة بخارة
والبلوتوه هبهبت شعبان ينفخ وسط كيرة

واعذب ليالي بني ياس وهوا حصة وسارة
يوم كنا صغار بس احلامنا كانت كبيرة

يا سقا الله الليالي ذيك شارة تلو شارة
من سحاب نحس رعدة يخرس الموج وهجيرة

ذكريات كل ما مرت على بالي زيارة
انتفض قلبي كما غصن رما الصياد طيرة

الزمان السكري ياليت لو ينعاد تارة
الزمان اللي بة الاحساس غنوة مستثيرة

كل ما سير على فكري يشن الوجد غارة
والسهر لا نام في جفني طلبت الله خيرة

دوك رسم الحزن حتى في مصابيح الانارة
لا ضحك مصباح عرض دمعي وعرقل مسيرة

غير ذا حكم الزمن والعمر مايرجع قطارة
قانع وكلي رضى ما غير لي رجوى اخيرة

يرجع الغايب وتسقيني شفايفة البشارة
ويحيي عروق ذبحها لا هبل هجر وهجيرة

وسامحوني عالقصور