الطيش طير وباقي اوجاعي الريش
والريش يهوى كل ما رفرف الطير
والاه تطلع لا تنفست ب شويش
وشلون لو انثر همومي على الغير
اشتاق لك وادري تبي تقول بعد ايش
احتاج لك واتعب من فراقك كثير
ياللي تطيش بعقل وتعقل الطيش
لا ترحل بارضي وتتركني اطير
شفني اموت ان مر طاريك واعيش
واعيش ثم اموت والقاني بخير
وراي بكرا مدرسه اسهرك ليش
واليا متى اوقف على شان تاخير
من علمك تجمع محبه وتطنيش
ومن علم الاغصان تجفي عصافير
الليل ما ينكر وجود الخفافيش
والصبح يبقى صبح لو مات به طير
والعيش يومي ارتجي لقمه العيش
خبزه وصال وكوب شوق وتعابير
عطني امل واحد يخليني اعيش
لا تخنقه يدك بحبل المعاذير
شفني بعد فرقاك اطيح بشويش
واخاف تصدف طيحتي جيه الغير
ماطحت وانا عزمي اصغر من الايش
والحين طحت وللاسف عزمي اكبير
ومن كثر مانا ضعت واعماني الطيش
اذا سألوني كيفك اجاوب بخير

__________________

لولو الحالمة