دقايق .. لو سمح وقتك دقايق

دقايق .. لو سمح وقتك دقايق

أنا مشتاقلك بالحيل و ضايق

وحشني صوتك و خوفك عليّه ..

ليالي غيبتك مرّة و تضايق

في عيني وين ما ترحل أشوفك

و أسلّي نفسي و أتخيّل وصوفك

يحسبوني نسيت و ما نسيتك ..

وربّي عالـــم بكل الحقايق

أغنّي بكثر شوقي لك أغنّي

كثر ما كنت لو حبّك سكنّي

و أنا من زود ما دمعي فضحني ..

أداري وجهي عن كل الخلايق

أحبّك و أنت تدري كيف أحبك

و ما تكفيني في حبّك " أحبّك "

عزاي أني أحبك طول عمري ..

و لا يسوى العمر بعدك دقايق