قصيده اغضبت السعــــوديات ...

السلام عليكم ورحمة الله وبركاته

هذه قصيده كتبها احد السعوديين بعد قدومه من المغرب وردت عليه شاعره سعودية لايذكرني اسمها

ولكن اسمعوا الشاعر وش يقول بقصيدته :


ياللي تنشـــد عن علوم الـذي طـاف ... كل البحـور وكـل دولـه وديـره

خذ من علومي علم اوصافه اوصاف ... جزل سميـن يشتعـل لـه سعيـده

الزيــــن عقــــب المغربيـات ينعـاف ... غيد لهن بالزيـن ذكـره و سيـره

فيهن حلا طاغي وليـن و تعطـاف ... وفيهن حنان يشعـل القلـب غيـره

حلوات وصف وفاهمات بالاعـراف ... زيننات منطق صافيـات السريـره

بنات قوم طيبهم غصـب ينشـاف ... اولاد مغـرب باللـيـل العسـيـره

ياللي تنشد عن علومي بالانصـاف ... هرجي يكفي صاملـه عـن كثيـره

الزين في لميا وتغريـد و الطـاف ... ماهوب في حصه وكشره ومنيـره


وردت عليه الشاعره بالابيات هذي :



قال الذي في بدع الامثال صـراف ... جزل يفـرق بيـن درهـم وليـره

ياللي مدحت المغربيـات بجحـاف ... الله يجيرك مـن عمـاه البصيـره

لو تعجبك لميا وتغريـد والطـاف ... مايصلحن لهـل الوجيـه السفيـره

مفصخات ولبسهم حـول الارداف ... وبليس اغواهـم بكشـف الستيـره

متعـودات كلهـم زيـف وخفـاف ... علـى التغنـج والتعطـف وغيـره

كل يوم مع صاحب ولا فيهم اعفاف ... خويهـم اللـي فلـوسـه كثـيـره

ترى البضايع عده اشكال واصناف ... وكل ينوخ وسـط سوقـه بعيـره

عز الله ان الطيب في بنت الاشراف ... اللي على الحشمه تربـت صغيـره

ولا تبيـن منهـا كـود الاطـراف ... مثل القماشـه فالبحـور الغزيـره

ياللي تدور بالجواهـر والاصـداف ... الزين كلـه فـي بنـات الجزيـره


صح لسانها