:: الحقوا يا بنات ... حركات بعض الشباب في المنتديات ::

:: الحقوا يا بنات ... حركات بعض الشباب في المنتديات ::

بسم الله الرحمن الرحيم
السلام عليكم ورحمة الله وبركاته

تعالوا نعرض عليكم حركات
بعض الشباب في
المنتديات

1- اذا شافو بنت دلوعه تخانقوا عليها اول مايشوفونها
آمري تدللي بس اروح واجي .. يعني مهم .....

2 - اذا شافو البنت حاطه موضوع لو انه شين راحو في خرايطها ردوا :
موضوعج عجيب , يخبل , موضوعج يسدح ,
حاولي انك تنزلين من هالمواضيع وايد .
وهم اصلا ماقروه ولايدرون وش مكتوب وتلقلى الموضوع يسبهم

3 - اذا كان مريض عاد شف الاسلوب توني طاق الزيقاره ومطفي
لاحد يكلمني أونه يعني خخخخخ

4 - عاد كله كوم والدراسه كوم انا معي الماجستير واحضر الدكتوراه ...
وطموحي عالي جدا وانا ادرس برا وهو تلقاه المتوسط
ومفصول منها بعد هع هع

5- عاد شفه اذا بغا يتكلم عن انجازاته انا وحيد امي وابوي ومدلع
وهو عند اهله 23 ترتيبه بين اخوانه وابوه كل شوي ماسطه بالعقال

6 - واذا تكلم عن السيارات ياقلبي.. بس اخر سياره
وهو حده كرسيدا والاهايلكس 82

7 - اول ما يقرى اسم بنت يدش عليها بالخاص وياذيها حتى لو ما ترد عليه
يتم يتكلم ويتكلم واذا ما ردت سبها ههههههههههه لين اهي تحطه بلوك

8- وشوفوا عاد ليه ردت البنت عليه شيصير فيه يصير الشاب الرومانسي
اللي حب وانجرح وغدرته حبيبته وانه محتاج لوحده تفهمه
ويبدأ بافلام فاتن حمامه وتايتنك يعني اهو الحبييب واللي ينغدر فيه
تلاقيه كل يوم مع وحده ويعيد بهل الاسطوانه (شريط مسجل )

9- وشوفوا عاد لمه يدش على البنت انا عندي سياره سعرها كذا وكذا
وابوي يعطيني كل يوم مصروف كذا وكذا تلاقيه سيارته وانيت نيسان
وابوه يعطي بالشهر 20 ريال هههههههههه

10- وشوفو شيصير فيه ليه البنت دشت ولا تدلعت يصير من اول شات احبك
وما حبيت غيرك ههههه وتلاقيه داش على عشر نفس الكلام

11- لا عاد اهم شي لمه تكون بنت اريحية وسبورت وترضى تكلمه شوف شيصير
يصير العاشق الولهان وياذيها تلفونات وليه حبته يكشت فيها
ويصير ابو رنه هذا ولد الفلوس وراعي السياره الفلانيه
حتى رصيد ما عنده ههههههههههههههه

12- اهم شي عاد اللي يكون داش ومتفلسف انا ولد فلان وانا الاصيل
وبالعام يتفلسف كنه ربه ما خلق غيره وروح اسال عنه تلاقيه
باكستاني ولا هندي ولا غجري هههههههههههههههه

13- والاهم اللي يدش داق الثقل يعني انا الثقيل وما اعطي وجه للبنات
شوفه لمه تدش باسم بنت عليه خاص هههههههههههه

14- ولا ليه دش ويبي يوصف نفسه انا الجميل الفتان بوعيون وساع
اللي البنات علي نمل نمل ههههه تلاقيه جيكر ومحد يطالع بخلقته خخخخخ

15- كل ولا بنت ما تعطي وجه لهذا الشاب شوف شيسوي فيها بالعامه
انتي مو بنت وانتي وانتي واديلو سب ههههههه
(اللي مايضوق العنب يقول حامض ) الله يستر عليه

وهذي جمل بعض الشباب المشهوووره

مادري حبيبتي احس اني اعرفك من زمااان
( لا يمكن مخربط بينها وبين وحده كنت تعرفها اول .. يمكن في شبه )

يا قلبي ابى اشوفك باقرب وقت ماقدر على الشوق اللي ذبحني

(يبى الربع يتأكدون انها حلوة )

انا احب الشعر ومن هواياتي الرسم والسباحه
( لا رومنسي الاخ !! هع )

علاقتي فيك محد يدري فيها ابد لانها تعتبر من اهم خصوصياتي
( بس عادي ..الموبايلات شغالة بين الربع جماعي )

لما اشوف رقمك في تليفوني قلبي يفز من مكانه

( اكييد .. خايف تكون كشفت ملاعيبك )

حبيبتي اليوم افتحي الكام اوعطيني صورتك عشان لما انام احلم بحبيبتي
( لا وانت الصادق عشان المايشتري يتفرج )

.....تحياتي....

منقووووول