من خاب ضني فيه سديت بابه .................

ياصاحبي وش فيك خدك على الكف.. كن الشقى منوخ ركابه
والهم من حولك غدا اليوم ملتف .. يرثي كل من هودرابه
روح ترى نهرالفرح داخلك جف .. وأترك أسأك يمرمرالسحابه
مارف لك جفن ولاغض لك طرف .. من الذي عنك ابتلا ك بغيابه
ياصاح بس تكفى علي لاتكلف .. القلب مش قادريعي ماأصابه
لالاتقول اش فيك بالله وقف .. سبني مع حالي يراجع حسابه
مافيني إلا الخيراضحك واسولف .. ومن خاب ظني فيه سديت بابه
مهما ضناني الوقت ماألين وأضعف .. عودت نفسي عالجلدوالصلابه
لاما تجيبه حطه الخد عالكتف .. ولاتهون غيبته هالكأبه
ولاتفيدك ضربة الكف عالكف .. أوحسرة الخافق وكثرانتحابه
خلها على مولاك يحكم وينصف .. باكريجيبه مثل ماامس جابه
غلف همومك وحطهابعالي الرف .. وعلم قليبك كيف حزنك يهابه
ماهوأنااللي اصفق الكف بالكف .. والحكي لايق على إنتسابه
لكن هموم الدهربالكل تعصف .. الله يعين الآدمي المبتلىء به
وسرالهوى صعباًعلى الناس يكشف .. ومن يكشف الأسرارقل عذابه
وماهوجديراً به وبي وأنت أعرف .. وأصعب عندي سهل بارز جوابه
من هويقول الله يعوض ويخلف .. أنساه من قلبك وأنسى عتابه
واطلب من الله بالمحبين يلطف .. يعيدكل شي بالوفاء إلى نصابه
أن كان شفتوا دمعة العين تذرف .. هذادليل الصبرويش الغرابه
هذي الحكايه كلها وأنتواأعرف .. خلاص تكفينا صريح الأجابه