رســــــــــــــالة

قبل ابتدي عندي طلب ركِّز طلب مـاهـو رجــاء

ما أبـي تـجـاوبنـي ولا تستـغـرب إنـي أسألـك

لا تنصدم من عزلتي حـالـي مثـل أبـو العـلاء
عندي سبب ما تستحق إنِّـي أجيـك و أوصلـك

لا تـعـتبر جمر الحكي من شاعرك يعنـي هجـاء
لو كنت بهجي حضرتك مـاخفت منِّك قلـت لـك

هذي القصيدة مصنِّفه في دفتـري قصـة رثــاء
حـبٍ يمـوت وتنولد وحـبٍ يـعـيـش ويقتلـك

ناديت لك ياما ولا لبِّيت لـي وضـاع النـداء
مبـحـوح صوتي والصدى من كثر مـا ناديـت لـك

أقرب من ثيابي علي وأبـعــد مـن نـجــوم السمـاء
ورغم إبتـعادك والتـعــب أرسـم طمـوح وأمهلـك

ما كنت لي الداء وأنا ما كنت لـجـروحـك دواء
ما عشت في دنياي لي !!عايش ولكن عشت لك

علمتك القلب الوفي .., ما يخذلك فيـه إنتمـاء
وعلمتني كيف الـعـشم في مـن تحبـه يـخـذلـك

علمتك إن أصل الهوى يرجع لـكلمـة احتـواء
وعلمتني إن الهوى مـا عـاش يـوم بـداخلـك

علمتك إنِّي لك بـحـر مـدَّه وجـزره لـك وفـاء
وعلمتني كيف أنصدم وأغرق أنـا فـي ساحلـك

مـا تستـحـي ودامك كذا إفـعـل حبيبي ما تشـاء
توِّي عرفت إنِّي كثر ما أعْرِفِـك كنـت اجهلـك

ما كان قلبي بس لـك وقلبـك لـعــب دور الدهـاء
ومـا كنت لك أقرب من أنفاسك وأقرب مـن هلـك

مـا عاد تفرق غيبتك أو رجـعـتك عنـدي سـواء
كنت إهتمامي ورغبتي والـحـيـن دوري أهملـك

لا صار قلبي لك وطن أبسألك ويـن الـولاء
وشلون حال المملكه دام الخيانة من ملـك

إن كنت جاهل لـعـبتك قلبي وما فيهـا ذكـاء
حتى الطفل إن جبت له لعبه ولاءه صار لك

قبل أنتهي عندي أمر ما هو طلب وإلا رجاء
لا يشغلك ماضي إنتهى ركِّز علـى مستقبلـك

‏*‏****************


منقوووووول