قسوة زمن ...... جديد لعيون خورة

السلام عليكم ورحمة الله وبركاته

قسوة زمن

[poem=font="mudir mt,5,indigo,bold,italic" bkcolor="transparent" bkimage="http://www.khorh.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

حسبي الله على هذا الزمن ما اقساه=وما اقسى ناس في هذا الزمن باقية
وحسبي الله على حظي وما سواه=من صغر سني وهذا الحظ انا راجيه
لكن رجواي خابت والامل واياه=باقي على قسوته والهم دي نا فيه
يا ويل حالي على هذا القدر ويلاه=ولا اشكي الا لواحد عالم بما فيه
والحمد لله على ما قدره واعطاه=والحمد واجب على رغم الذي عانيه
راضي وصابر عسى رب السماء يجلاه=هو وحده القادر الوالي انا داعيه
الواحد الفرد ما قد خاب من ناجاه=الله وحده ولا غيره احد ندعيه
واليوم قلبي تعب من كثر ما عاناه=لما متى يا زمن دايم وانا داريه
غدرني الوقت دمر منصبي والجاه=من بعد ماكان لي موقع انا بانيه
موقع بنيته وكل الناس تتمناه=وشفت كل البشر تضحك وهي ساليه
الكل يضحك وهو مبسوط في مرساه=ضحكت معهم ولا ادري وش هي التاليه
حبيتهم من صميم القلب الى اقصاه=والقيتهم هم ملوك القلب والحاشيه
وعقب ذاك الفرح صارت ضحكتي بالاه=وتوقف الوقت وافكاري معه طافيه
اثر البشر من ضحكها في هدف تنصاه=غدر ونفاق وخيانه في نيه صافيه
يصفي لك النيه والحقد الدفين اخفاه=متمرس الغدر وبفن المكر داهيه
من يقبل اليوم في حالي ومن يرضاه=اليوم طايح واشوف ان البشر راضيه
راضين في طيحة الشامخ وتتحراه=واستهوت الضحك والبسمه على طاريه
طاح الجمل والسكاكين اقبلت تنخاه=تنخى الجمل تهتوي طعنه وله ناويه
وتسابقت تزرع الطعنات وسط احشاه=لكن قسم بالله ما يقبل بذل يجيه
ويظل شامخ على رغم الحسد واعداه=يدري بهم كثر لكن عزته باقيه
صحيح عاجز ولكن ربنا يرعاه=عليه متوكل وقابل كل ما يعطيه
وختام قولي صلاتي للنبي تغشاه=شفيعنا يوم عرض الصفحه المخفيه
وسلامتكم

[/poem]

بقلمي الجريح
مع خالص حبي للجميع