سألت ياقلبي على شي نجهله=وبالعلم المجهول ماعندي دليل
وحتى السنين اللي بعمري لوله=معقول ترجع؟ لا وربي مستحيل
وكيف ياقلبي ذكرت المسأله؟=مايرجع العرجون هامات النخيل
من بعد طلعه والخريف اتحمله=جف انطوى ثم هوى العود النحيل
وعابر سبيله لا عبر لا تسأله=تراك مثله فوقها عابر سبيل
اصبر على جور الزمان اتحمله=مثل الجمل يصبر على الحمل الثقيل
وصبراليتيم اللي فقد في معجله=سبعه وخمسين اصبحوا فيها قتيل
وتزلزلت كفاك شر الزلزله=وشافت عيونه منها نجوم المقيل
لاحد سمع بلبل بداء بالبلبه=يعقل كلام الناس في قالوا وقيل
واللي طلع للشعب والماء بسفله=يشفق لشربة ماء ولو حتى قليل
يموت ظامي بالعمل ذي يعمله=لا له في الكوثر ولا في السلسبيل
والمشكله من هب سوى مشكله=ومن دب لامالت عاى غيره تميل
ومن حب سبب للحبيب البهذله=وبين العرب ماشي محبه بالصميل
فالقلب لا قفى مايجي بالسلسله=وأن اقبل اتجره بخصله من فتيل
والمهزله بصحابها في مهزله=تقضي على المعروف والفعل النبيل
ترخي بغفلتهم زمام المرجله=وجاك اكلام الغث والمعنى الهزيل
ما له دواء من جاء مداوي حوله=واستبدل القرآن والطب البديل
بحزمة شجر واربع دلال امهيله=وخلطه على عرقين خظراء زنجبيل
ياقلب قلي وايش ما عندك قله=صدري وسيع ادم الحشاء بالي طويل
اطلب طلب لو من خيال اتخيله=اطلب قمر ازرق مثلث مستطيل
او باخره في حجم حبة خردله=ترسي على وجه الثُرى بعدالرحيل
بلون السماء والطعم طعم الحنظله=جاك الطلب،،خذها على خدي تسيل
اتعبتني تسأل على شي نجهله=وفي العالم الجهول ما عندي دليل

هذاء مكانها حتى لا تروح سداء