هذي اعتبرها .. من اروووع ماقال الشاعر "عبدالرحمن بن مساعد"

يبين لنا فيها كيف ان كل حاجة ممكن تحصل وعآآدي ..

يعني الواحد صار يسوي اشياء ويمشي ولا كأنه سوا شي غلط ..

اترككم من ماقال ..



" المشهد الاول "


وحده مزيونه بالحيل

وحبيبه

بس تخون

وش اسوي بجمالها

بياخذها الزمان و تبقى عجوز

عادي .. طاح الحطب وحلوه الحياة



" المشهد الثاني "


ملتزم

يصلي كل الفروض

واذا تعب فوت صلاة الفجر

واذا شبع راحت صلاة العصر

وعنده دش ويكذب كثير

واذا صحى الصبح مشط اللحيه

عادي .. طاح الحطب وحلوه الحياة



" المشهد الثالث "


غني و ظالم

يطرد المساكين ويستغل الضعوف

مغرور و فاسق

ومجلسه عامر

كل يبهر له

ومع ذلك يجمع حسنات من كثر اللي يسبونه

عادي .. طاح الحطب وحلوه الحياة



" المشهد الرابع "


تغازل وتاخذ ارقام

وتطلع مع هذا وتواعد هذاك

ويوم طاح الفاس في الراس

بكت

وراحت تشكي لامها غدر الزمان

طبطبت عليها امها وقالت

ولايهمك سفره لمصر وشوية سيوله

وترجعين بنت

عادي .. طاح الحطب وحلوه الحياة



" المشهد الخامس "


مرفوع الكفن ابيض

وصاحبه وسط البياض

بعضهم يبكي وبعضهم عادي

دفنوه وتبكبكوا شوي

واخر الليل سكارى

عادي .. طاح الحطب وحلوه الحياة



" المشهد السادس "


سياره مسرعه

وتدعس لها واحد

مسكين هندي

والعسكري صديق الطايش

والخطا نصه على الهندي

والباقي على الطايش

وفي الليل الطايش يلعب بلوت

عادي .. طاح الحطب وحلوه الحياة



" المشهد السابع "


قارورة مويه

ماتضره طايحه في السياره

يناظرها بغضب زعلان منها

ويفتح الشباك ورماها وسط الطريق

واذا اجتمع مع الشباب قال

متى بنتحضر

عادي .. طاح الحطب وحلوه الحياة



" المشهد الثامن "



اهم شي الثوب نظيف والشماغ مكوي

والقلم ماركه والساعه تضوي

والجزمه جلد والسياره عجب

وتلفونه مايسكت

اما بنات

او البنوك تبي فلوسها

عادي .. طاح الحطب وحلوه الحياة



" المشهد التاسع "


سطحيه ومغروره

غبيه ومتكبره وياريتها حلوه

تبي زوج مواصفات

مايقول لا ويكره الاستراحات

لازم وسيم وانيق ومتعلم ودخله ممتاز

ويحب السفر

وبعد سنين تلاقي

نفسها في الانترنت

تدور واحد يقبل بها

عادي .. طاح الحطب وحلوه الحياة



" المشهد العاشر "


فتح الكمبيوتر

ودخل للمنتدى وكلامه مايتعدى

ان الموضوع روعه ورهيب

وهو ماقراه و لايعرف كاتبه

بس يبي يزيد المواضيع موضوع

ويزيد همومنا هم

علشان يصير صاحب الالف موضوع

ويتميز

والمشكله انه يتميز

عادي .. طاح الحطب وحلوه الحياة



" المشهد الاخير "


الكذب اثم ومع ذلك نستخدمه

وندري ان هذا حرام ومع ذلك نجربه

نتذكر السهره والفرح والسفر

وننسى الجالسين على كتوفنا

ونتناسى ان معهم كتاب يسجل افعالنا ونياتنا

كل شي محسوب

حتى النظر

نسينا ان ورانا يوم علاماته قربت

ومع ذلك كلنا ناسين

ان بقيت على حالك تتناسى لازم تعرف

ان ذاك اليوم مهوب عادي

وانت الحطب

وما به حياة

__________________

نسينا ان ورانا يوم علاماته قربت

ومع ذلك كلنا ناسين

ان بقيت على حالك تتناسى لازم تعرف

ان ذاك اليوم مهوب عادي

وانت الحطب

وما به حياة
عادي .. طاح الحطب وحلوه الحياة..

الله الله ياقولدن

جميله هذا الخاطره بروح الشاعر / عبدالرحمن بن مساعد الذي تعزف اوتار قلوبنا اعذب الالحان لكل كلماته وتغنى بها كثير من الفنانين ونالت الصيت الكبير بين معجبي الشاعر ومحبي الفنان ..

تقبل مروري وردي اخي .

__________________

تصميم العضو/ GoLdEnBoOoY ..

طرح اكثر من رائع
وليس بعادي
كل الشكر.........

__________________
[align=center][flash=http://dc02.arabsh.com/i/01935/0lji3zf27uke.swf]WIDTH=440 HEIGHT=220[/flash][/align]

ررووعه رووعه
من رووائع الامير عبدالرحمن بن مسااعد
والارووع منك
لانك
نقلتها لنا
ولك كل الشكر والتقدير
يا مبدع

تحيااتي

__________________
♡
من لا يعرف قيمتگ وآنت بين يديہ
سيندم على خسارتگ عندما لا يراگ آمامہ
گن مع الذي يقدرگ


Most people walk in and out of your life, but only FRIENDS leave footprints in your heart


ألصدﭑقہ ..♡.. وآلحب
م̉دﯾنہ م̉غلقہ
لﭑـ ﯾدخلھٓﭑ ﭑلﭑـ م̉ن
ﯾحم̉ل بطاقہ ﭑلۆفﭑ..♥

الححيااة'ة اامَل لآا يوججَد فيهاا
مَ يسسَمى بِ االمسسَتحيل ♡


الابتسامہ'هُ عندَ ιلضيقهہ هَ هي' ( قمّہ'ةة الصصبرَ ، ♡̵̵̵̵̵̵̵

جوولدن بجد اختيااار اكثرر من راائع

سلمت يمنااك على النقل

تحياااتي وودي

__________________

[ALIGN=CENTER][TABLE1="width:95%;"][CELL="filter:;"][ALIGN=center]تصميم المبدعGoLdEnBoOoY [/ALIGN][/CELL][/TABLE1][/ALIGN]

هلا وغلا بالشيخ ..

وفعلاً شاعر له صيته بين الشاعر ,, بغض النظر عن كونه رئيس نادي "الهلال" خخخ

شرفني مرورك ياعسل ^^

__________________

كل الشكر لمرورك اخوي فريد ..

اتمنى لك كل التوفيق والنجاح في حياتك

__________________

روعه خيي

مبدع

__________________

طربانووو .. الاروع من ذا كله مرورك ياعسل

شرفتني ونورت الموضوع بردك .. لاتحرمنا

^_^

__________________

هلا بمشرف القسم ^_*

تسلم ياسكر ع مرورك المنور

دمت لكل خير يارب ..

^_^

__________________